ସୁଦାନରୁ ଫେରିଲେ ୩୮୦୦ ଭାରତୀୟ: ଦୂତାବାସ ସୂଚନା ଆଉ ଫେରିବାକୁ ନାହାନ୍ତି କେହି ଭାରତୀୟ

ଡେସ୍କ: ଯୁଦ୍ଧତ୍ରସ୍ତ ସୁଦାନରୁ ଏପର୍ଯ୍ୟନ୍ତ ୩ ହଜାର ୮୦୦ ଭାରତୀୟଙ୍କୁ ସୁରକ୍ଷିତ ଭାବେ ଦେଶକୁ ଅଣାଯାଇଥିବା ଜଣାପଡିଛି। ଅପରେସନ କାବେରୀ ଅଧୀନରେ ସେମାନଙ୍କୁ ଭାରତକୁ ଫେରାଇ ଅଣାଯାଇଛି ବୋଲି କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି। ସେଠାରେ ଥିବା ଭାରତୀୟ ଦୂତାବାସ କହିଛି ଯେ ଭାରତ ଫେରିବା ପାଇଁ ଆଉ କୌଣସି ଭାରତୀୟ ସୁଦାନ ବନ୍ଦରରେ ଅପେକ୍ଷା କରିନାହାନ୍ତି।

ସୂଚନା ଅନୁଯାୟୀ, ୫ଟି ଭାରତୀୟ ନୌଯାହାଜ ଏବଂ ୧୭ଟି ଭାରତୀୟ ବାୟୁସେନା ଜାହାଜ ସହାୟତାରେ ଫସି ରହିଥିବା ଭାରତୀୟଙ୍କୁ ପୋର୍ଟ ସୁଦାନରୁ ସୁରକ୍ଷିତ ଉଦ୍ଧାର କରାଯାଇ ଭାରତ ଅଣାଯାଇଛି। ଇତି ମଧ୍ୟରେ ରିୟାଧରେ ଥିବା ଭାରତୀୟ ଦୂତାବାସ କହିଛି ଯେ ସୁଦାନରୁ ଆଜିଠାରୁ ନେବାଆଣିବା ବ୍ୟବସ୍ଥା ବନ୍ଦ କରାଯାଇଛି।