ଡେସ୍କ: ଆସନ୍ତାକାଲି (ବୁଧବାର) ଜମ୍ମୁ-କଶ୍ମୀରରେ ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ ହେବ। ଏହି ପର୍ଯ୍ୟାୟରେ ୨୬ଟି ଆସନରେ ମତଦାନ ହେବ। ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ସମୁଦାୟ ୩ ହଜାର ୫୦୨ଟି ମତଦାନ କେନ୍ଦ୍ର ସ୍ଥାପନ କରାଯାଇଛି। ସେଥିମଧ୍ୟରୁ ସହରାଞ୍ଚଳରେ ୧ ହଜାର ୫୬ ଓ ଗ୍ରାମାଞ୍ଚଳରେ ୨ ହଜାର ୪୪୬ଟି ମତଦାନ କେନ୍ଦ୍ର ରହିଛି। ଆଜି ୧୩ ହଜାରରୁ ଅଧିକ ପୋଲିଂ କର୍ମଚାରୀ ମତଦାନ କେନ୍ଦ୍ରରେ ପହଞ୍ଚିଥିବା ଜଣାପଡିଛି। ଅଧିକରୁ ଅଧିକ ଭୋଟର ଯେପରି ନିଜର ମତାଧିକାର ସାବ୍ୟସ୍ତ କରିବେ ସେଥିପାଇଁ ସମସ୍ତ ସୁରକ୍ଷା ବ୍ୟବସ୍ଥା କରାଯାଇଛି। ନିର୍ବାଚନରେ ସ୍ୱଚ୍ଛତା ସୁନିଶ୍ଚିତ କରିବା ପାଇଁ ନିର୍ବାଚନ ଆୟୋଗ ୱେବକାଷ୍ଟିଂ ସୁବିଧା କରିଛନ୍ତି। ମତଦାନ ପରେ ଇଲେକ୍ଟ୍ରୋନିକ୍ ଭୋଟିଂ ମେସିନ୍ ସ୍ଥାନରେ ସମସ୍ତ ସୁରକ୍ଷା ବ୍ୟବସ୍ଥା କରାଯାଇଛି, ସେଗୁଡ଼ିକ ଉପରେ ୨୪ ଘଣ୍ଟିଆ ଡିଜିଟାଲ୍ ନଜର ରଖାଯିବ।
ଜମ୍ମୁ-କଶ୍ମୀରରେ ୩ଟି ପର୍ଯ୍ୟାୟରେ ବିଧାନସଭା ନିର୍ବାଚନ ହେଉଛି। ପ୍ରଥମ ପର୍ଯ୍ୟାୟରେ ଚଳିତ ମାସ ୧୮ ତାରିଖରେ୨୪ଟି ଆସନରେ ମତଦାନ ହୋଇଥିଲା। ତୃତୀୟ ପର୍ଯ୍ୟାୟରେ ଅକ୍ଟୋବର ପହିଲାରେ ୪୦ଟି ଆସନରେ ମତଦାନ ହେବ। ଅକ୍ଟୋବର ୮ତାରିଖରେ ଭୋଟ୍ ଗଣତି ହେବ।
