ଚୌଦ୍ୱାର : ଚୌଦ୍ୱାର ପୁଲିସ ୨ଟି ପୃଥକ୍ ଅପରାଧିକ ମାମଲାରେ ୨ଜଣଙ୍କୁ ଗିରଫ କରିଛି । ଗୋଟିଏ ଘଟଣାରେ ଜଣେ ନାବାଳିକାକୁ ଅସଦାଚରଣ ଉଦ୍ୟମ କରିବା ଅଭିଯୋଗରେ ପୁଲିସ ଜଣେ ଯୁବକକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲେ ଚୌଦ୍ୱାର ମଙ୍ଗଳାସାହିର ସଂଜୟ ବେହେରା(୩୫) । ପୀଡ଼ିତାର ପରିବାର ତରଫରୁ ଥାନାରେ କରାଯାଇଥିବା ଅଭିଯୋଗ ସୁତ୍ରରୁ ପ୍ରକାଶଯେ ପୀଡ଼ିତା ଜଣକ ଏକ ଦୋକାନରେ ସଉଦା କିଣୁଥିବା ବେଳେ ଅଭିଯୁକ୍ତ ସଂଜୟ ଘଟଣାସ୍ଥଳରେ ପହଞ୍ଚି ନାବାଳିକା ଜଣକୁ ଟଣା ଓଟରା କରିବା ସହିତ ଅସଦାଚରଣ କରିବାକୁ ଉଦ୍ୟମ କରିଥିଲା । ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଯିବାରୁ ସେ ସେଠାରୁ ଚାଲି ଯାଇଥିଲା। ଅନ୍ୟ ଏକ ଘଟଣାରେ ୧୭ ନମ୍ବର ୱାର୍ଡ଼ ନୂଆସାହି ଗ୍ରାମରେ ପୁଲିସ ଚଢ଼ଉ କରି ୭୦ବୋତଲ ବିଦେଶୀ ମଦ ଜବତ କରିବା ସହିତ ମଦ ବ୍ୟବସାୟୀ ସେହି ଗ୍ରାମର ପୁରୁଷୋତ୍ତମ ଦତ୍ତ(୩୨)କୁ ଗିରଫ କରିଛି । ଉଭୟ ଅଭିଯୁକ୍ତଙ୍କୁ ଅଦାଲତ ଚାଲାଣ କରାଯାଇଛି।
Popular Categories
Previous article
Next article