ବିଦାୟ ହ୍ବାଙ୍ଗଝୋ, ନାଗୋୟାରେ ଦେଖା

ହ୍ବାଙ୍ଗଝୋ  : ଏସୀୟ କ୍ରୀଡ଼ାର ଉନବିଂଶତମ ସଂସ୍କରଣ ଚୀନର ହ୍ବାଙ୍ଗଝୋରେ ​‌େ​‌ଶଷ ହୋଇଛି। ରବିବାର ମାରାଥନ ପ୍ରତିଯୋଗିତା ସହ ଉକ୍ତ କ୍ରୀଡ଼ା ମହାକୁମ୍ଭର ଯବନିକା ପଡିଛି। ଏସୀୟ କ୍ରୀଡ଼ାକୁ ବିଦାୟ ଦେଇଛି ହ୍ବାଙ୍ଗଝୋ। ଆଉ ୩ ବର୍ଷ ପରେ ୨୦୨୬ ଜାପାନର ନାଗୋୟାରେ ଏସୀୟ କ୍ରୀଡ଼ାର ବିଂଶତମ ସଂସ୍କରଣ ଅନୁଷ୍ଠିତ ହେବ। ଉକ୍ତ କ୍ରୀଡ଼ା ମହାକୁମ୍ଭ ଭାରତ ପାଇଁ ସ୍ବତନ୍ତ୍ର ହୋଇ ରହିବ। ଭାରତ ଏସୀୟ କ୍ରୀଡ଼ାର ଇତିହାସରେ ପ୍ରଥମ ଥର ପାଇଁ ପଦକରେ ଶତକ ଅତିକ୍ରମ କରିବାରେ ସଫଳ ହୋଇଛି। ଭାରତ ଉକ୍ତ ସଂସ୍କରଣରେ ୨୮ ସ୍ବର୍ଣ୍ଣ, ୩୮ ରୌପ୍ୟ ଓ ୪୧ କାଂସ୍ୟ ପଦକ ସହ ମୋଟ ୧୦୭ ପଦକ ପାଇ ୪ର୍ଥ ସ୍ଥାନ ହାସଲ କରିଛି। ଯାହା ପୂର୍ବରୁ ଭା​‌ରତ କେବେହେଲେ ଏଭଳି ସଫଳତା ହାସଲ କରିପାରିନଥିଲା। ବନ୍ଧୁକଚାଳନାରେ ଭାରତ ସର୍ବାଧିକ ୮ଟି ସ୍ବର୍ଣ୍ଣ ସହ ୨୨ଟି ପଦକ ଜିତିବାରେ ସଫଳ ହୋଇଛି। ଦୌଡ଼କୁଦରେ ୬ଟି, ତୀରନ୍ଦାଜୀରେ ୫ଟି, ପୁରୁଷ ଓ ମହିଳା କ୍ରିକେଟ, ପୁରୁଷ ହକି, ପୁରୁଷ ଓ ମହିଳା କବାଡି, ସ୍କ୍କ୍ାଶ, ଅଶ୍ବଚାଳନ, ଟେନିସ ଓ ବ୍ୟାହମିଣ୍ଟନରେ ଗୋଟିଏ ଲେଖାଏଁ ସ୍ବର୍ଣ୍ଣ ପଦକ ରହିଛି। ଏହାଛଡ଼ା ପୁରୁ​‌ଷ ଯୁଗଳ ବ୍ୟାଡମିଣ୍ଟନରେ ସ୍ବାତ୍ତିକ ସାଇରାଜ ରାଙ୍କିରେଡ୍ଡି- ଚିରାଗ ସେଟ୍ଟି ପ୍ରଥମ ଥର ପାଇଁ ସ୍ବର୍ଣ୍ଣ, ମହିଳା ଗଲ୍‌ଫରେ ଅଦିତି ଅଶୋକ ରୌପ୍ୟ ପଦକ ଜିତିଥିବାବେଳେ ବକ୍ସର ଲଭଲିନା ବର୍ଗିଆନ, ଭାରତୀୟ ପୁରୁଷ ହକି ଦଳ ୨୦୨୪ ପ୍ୟାରିସ ଅଲିମ୍ପିକ୍‌ସ ଯୋଗ୍ୟତା ହାସଲ କରିବା ଉଲ୍ଲେଖନୀୟ ଘଟଣା ରହିଛି। ପ୍ରତିଯୋଗିତାରେ ଭାରତରୁ ମୋଟ ୬୧୫ଜଣ ଖେଳାଳି ଅଂଶଗ୍ରହଣ କରିଥିଲେ।
ପଦକ ତାଲିକାରେ ଆୟୋଜକ ଚୀନ୍‌ ୨୦୧ଟି ସ୍ବର୍ଣ୍ଣ, ୧୧୧ଟି ରୌପ୍ୟ ଓ ୭୧ଟି କାଂସ୍ୟ ସହ୩୮୩ଟି ପଦକ ପାଇ ଶୀର୍ଷରେ ରହିଥିବାବେଳେ ଜାପାନ ୫୨ ସ୍ବର୍ଣ୍ଣ, ୬୭ ରୌପ୍ୟ ଓ ୬୦ କାଂସ୍ୟ ସହ ୧୮୮ ପଦକ ପାଇ ଦ୍ବିତୀୟ ଓ ଦକ୍ଷିଣ କୋରିଆ ୪୨ ସ୍ବର୍ଣ୍ଣ, ୫୯ ରୌପ୍ୟ ଓ ୮୯ କାଂସ୍ୟ ସହ ୧୯୦ ପଦକ ପାଇ ତୃତୀୟ ସ୍ଥାନ ହାସଲ କରିଛନ୍ତି। ଅନ୍ୟମାନଙ୍କ ମଧ୍ୟରେ ଉଜବେକିସ୍ତାନ ୨୨ ସ୍ବର୍ଣ୍ଣ, ୧୮ ରୌପ୍ୟ ଓ ୩୧ କାଂସ୍ୟ ସହ ୭୧ ପଦକ ପାଇ ପଞ୍ଚମ ସ୍ଥାନ ହାସଲ କରିଛି।