ପିପିଲି:ପିପିଲି ସ୍ଥିତ ବିଜେଡି କାର୍ଯ୍ୟାଳୟ ଠାରେ ସୋମବାର ଦିନ ବିଜୁ ମହିଳା ଜନତା ଦଳର ସମାବେଶ ଅନୁଷ୍ଠିତ ହୋଇଯାଇଛି। ବିଜୁ ମହିଳା ଜନତା ଦଳର ପିପିଲି ବ୍ଲକ ସଭାନେତ୍ରୀ ଜୋସ୍ନାରାଣୀ ପୁଷ୍ଟିଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଭିନ୍ନ ପଞ୍ଚାୟତ ଓ ଏନ୍ଏସିର ବିଜେଡିର ମହିଳାନେତ୍ରୀମାନେ ଯୋଗଦେଇଥିଲେ। ବିଜେଡିର ପୁରୀ ସାଂସଦ ପ୍ରାର୍ଥୀ ଅରୁପ ପଟ୍ଟନାୟକ ଓ ବିଧାୟକ ପ୍ରାର୍ଥୀ ରୁଦ୍ରପ୍ରତାପ ମହାରଥୀଙ୍କୁ ଚଳିତ ନିର୍ବାଚନରେ ସର୍ବାଧିକ ଭୋଟ୍ ବ୍ୟବଧାନରେ ବିଜୟୀ କରାଇବାକୁ ମହିଳାନେତ୍ରୀମାନେ ସଂକଳ୍ପ ନେବା ସହ ଏଥିନେଇ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଥିଲେ।
ପିପିଲି ବ୍ଲକ ଉପାଧ୍ୟକ୍ଷ ପ୍ରଫୁଲ୍ଲ ସ୍ୱାଇଁ ସଭାକୁ ପରିଚାଳନା କରିଥିବା ବେଳେ ବିଧାୟକ ଶ୍ରୀମହାରଥୀ ଏଥିରେ ଯୋଗଦେଇ ମହିଳାଙ୍କ ଉନ୍ନତି ପାଇଁ ନବୀନ ସରକାରରେ କରାଯାଇଥିବା ବିଭିନ୍ନ ଯୋଜନା ସଂପର୍କରେ ଆଲୋକପାତ କରିଥିଲେ। ଅନ୍ୟମାନଙ୍କ ମଧ୍ୟରେ ପିପିଲି ବ୍ଲକ ଅଧ୍ୟକ୍ଷା ଦେବସ୍ୱିନୀ ନନ୍ଦ, ପିପିଲି ପୌରାଧ୍ୟକ୍ଷ ସେକ୍ ବାବୁ, ପୌର ଉପାଧ୍ୟକ୍ଷା ଭାଗ୍ୟବତୀ ମହାରଣା, ପୁର୍ବତନ ବ୍ଲକ ଅଧ୍ୟକ୍ଷ ଯୁଧିଷ୍ଠିର ସ୍ୱାଇଁ, କଳ୍ପନା ସାମନ୍ତରାୟ, ଅନ୍ନପୁର୍ଣ୍ଣା ବେହେରା, କେନ୍ଦ୍ର ସମବାୟ ବ୍ୟାଙ୍କ ନିର୍ଦ୍ଦେଶକ ପର୍ଶୁରାମ ମହାପାତ୍ର, ସାଂସଦ ପ୍ରତିନିଧି ନାରାୟଣ ସ୍ୱାଇଁ, ମହିଳା ନେତ୍ରୀ ନିରୁପମା ମହାପାତ୍ର, ଉମାମଣି ରଥ, ପଲ୍ଲିଶ୍ରୀ ମହାନ୍ତି, ଝୁନାମଣି ମଲ୍ଲିକ, ଲିପିକା ମହାପାତ୍ର, ମିନାକ୍ଷୀ ଦାଶ, ସତ୍ୟଭାମା ଦାଶ, ମମତା ମଲ୍ଲିକ ପ୍ରମୁଖ ଯୋଗଦେଇ ନିଜ ନିଜ ବକ୍ତବ୍ୟ ରଖିଥିଲେ।
