ଓଡ଼ିଶୀ ବେଶରେ ବାଇକ୍‍ ରାଲି

ଭୁବନେଶ୍ୱର: କନ୍ୟା ସନ୍ତାନଙ୍କ ସୁରକ୍ଷା ପାଇଁ ଓଡ଼ିଶା ବାଇକର୍ଣ୍ଣି ଗ୍ରୁପ୍‍ ପକ୍ଷରୁ ଶନିବାର ଏକ ଅଭିନବ ଅଭିଯାନ ଆରମ୍ଭ ହୋଇଛି। ଗ୍ରୁପ୍‍ର ସଦସ୍ୟମାନେ ଓଡ଼ିଶୀ ନୃତ୍ୟାଙ୍ଗନା ବେଶରେ ସଜ୍ଜିତ ହୋଇ ମୋଟର ସାଇକେଲ୍‍ରେ ସହର ପରିକ୍ରମା କରିଥିଲେ। ୫ ଜଣ ମହିଳା ମୋଟର ସାଇକେଲ୍‍ରେ ଶିଖରଚଣ୍ଡିଠାରୁ ବାହାରି କଳିଙ୍ଗ ହସ୍ପିଟାଲ୍‍, ଜୟଦେବ ବିହାର, ସହିଦ ନଗର, ମାଷ୍ଟର କ୍ୟାଣ୍ଟିନ୍‍, ସଚିବାଳୟ ମାର୍ଗ, ଗଭର୍ଣ୍ଣର ହାଉସ ଛକ ଦେଇ ଜୟଦେବ ବିହାରରେ ପହଞ୍ଚିଥିଲେ। ପ୍ରଥା ଓ ରୁଢ଼ବାଦୀ ପରମ୍ପରା ନାମରେ କନ୍ୟା ସନ୍ତାନଙ୍କ ପ୍ରଗତି ଦିଗରେ ସୃଷ୍ଟ ବାଧା ବନ୍ଧନ ହଟାଇବାର ବାର୍ତ୍ତା ନେଇ ବାହାରିଥିବା ଏହି ବାଇକ୍‍ ରାଲିରେ ଉତ୍ତରପ୍ରଦେଶ ଓ ଜମ୍ମୁ-କଶ୍ମୀର ନାବାଳିକା ବଳାତ୍କାର ଘଟଣାର ପ୍ରତିବାଦରେ ବ୍ୟାନର ଦେଖିବାକୁ ମିଳିଥିଲା।