ନୂଆଦିଲ୍ଲୀ: କେନ୍ଦ୍ର ରେଳ ମନ୍ତ୍ରୀ ପୁୟୁସ ଗୋୟେଲଙ୍କ ନୂଆ ନିର୍ଦେଶ ରେଳବାଇ କର୍ମଚାରୀଙ୍କୁ ବେଶ୍ ଅଡ଼ୁଆରେ ପକାଇଛି। କାରଣ ରେଳବାଇର ନୂଆ ନିୟମ ଅନୁଯାୟୀ ଏଣିକି ଟ୍ରେନ ବିଳମ୍ବ ହେଲେ ପ୍ରଭାବିତ ହେବ ରେଳ କର୍ମଚାରୀଙ୍କ ପଦୋନ୍ନତି। ଏ ନିମନ୍ତେ ରେଳବାଇର ସମସ୍ତ ଜୋନକୁ ଅବଗତ କରାଯିବା ସହ ରେଳ କର୍ମଚାରୀଙ୍କୁ ସେମାନଙ୍କ ଅଞ୍ଚଳରେ ଥିବା ବୈଷୟିକ ବ୍ୟବସ୍ଥାକୁ ସୁଧାରିବା ଏକ ମାସ ସମୟ ଦିଆଯାଇଛି।
୨୦୧୭-୧୮ରେ ରେଳବାଇ ପକ୍ଷରୁ କରାଯାଇ ଥିବା ଏକ ସର୍ଭେକ୍ଷଣରେ ୩୦ ପ୍ରତିଶତ ଟ୍ରେନ ବିଳମ୍ବର କାରଣ ଖରାପ ହୋଇ ଯାଇଥିବା ଟ୍ରେନ ଲାଇନ ପାଇଁ ହୋଇଥାଏ ବୋଲି ଜଣାପଡ଼ି ଥିଲା। ଏହି ଖରାପ ରେଳ ଲାଇନକୁ ସଜାଡ଼ିବା ପାଇଁ ରେଳବାଇ କର୍ମଚାରୀଙ୍କୁ ଚୂଡ଼ାନ୍ତ ସୁଯୋଗ ଦିଆଯାଇଛି। ଖରା ଛୁଟି ଶେଷ ସୁଦ୍ଧା ସମସ୍ତ ବ୍ୟବସ୍ଥାକୁ ସୁଧାରିବା ସହ ରେଳ କର୍ମଚାରୀ କାର୍ଯ୍ୟାଳୟରେ ସମୟାନୁବର୍ତ୍ତିତା ଅବଲମ୍ବନ କରିବାକୁ ରେଳବାଇ ପକ୍ଷରୁ ଚେତାବନୀ ଦିଆଯାଇଛି। ରେଳ ମନ୍ତ୍ରୀ ନିଜେ ସମସ୍ତ ଜୋନରେ ଫୋନ କରି ତାଙ୍କର ନୂଆ ବ୍ୟବସ୍ଥା ସମ୍ପର୍କରେ ଅବଗତ କରାଇବା ସହ ପ୍ରତି ମାସ ଏହାର ରିପୋର୍ଟ ପ୍ରଦାନ କରିବା ଉପରେ ଗୁରୁତ୍ୱାରୋପ କରିଛନ୍ତି। ରେଳବାଇ ପକ୍ଷରୁ ରେଳ ଲାଇନ ମରାମତି ଓ ନିର୍ମାଣ କ୍ଷେତ୍ରରେ କୋଟିକୋଟି ଟଙ୍କା ଖର୍ଚ୍ଚ କରାଯାଉ ଥିଲେ ମଧ୍ୟ ରେଳବାଇ କର୍ମଚାରୀଙ୍କ ଉଦାସୀନତା ହେତୁ ଏହାର ରକ୍ଷଣାବେକ୍ଷଣ ଦିଗରେ ରେଳବାଇ ଅବହେଳାର ଶିକାର ହେଉଛି। ଏସବୁ କ୍ଷେତ୍ରରେ ରେଳ କର୍ମଚାରୀଙ୍କ ପଦୋନ୍ନତି ଟ୍ରେନ ବିଳମ୍ବ ହେଲେ ପ୍ରଭାବିତ ହେବ ବୋଲି କେନ୍ଦ୍ର ରେଳ ମନ୍ତ୍ରୀ ସ୍ପଷ୍ଟ କରିଛନ୍ତି।
ଏଣିକି ଟ୍ରେନ ବିଳମ୍ବ ହେଲେ ପ୍ରଭାବିତ ହେବ ପଦୋନ୍ନତି
Popular Categories
Previous article
Next article