ଜ୍ୟୋତିଷରେ ୭ ଅଙ୍କର ସମ୍ପର୍କ କେତୁ ଗ୍ରହ ସହିତ ରହିଥିବା କୁହାଯାଇଛି। କେତୁଙ୍କୁ ରହସ୍ୟ ଓ ଦରକାରୀ ବିଷୟର କାରକ ବୋଲି ମଧ୍ୟ କୁହାଯାଇଥାଏ।ଏହି ଅଙ୍କ ବ୍ୟକ୍ତିଙ୍କ ଜୀବନରେ ଅନେକ ପ୍ରଭାବ ରହିଥାଏ ବୋଲି କୁହାଯାଇଛି। ସୃଷ୍ଟିରେ ୭ ଅଙ୍କର ଅନେକ ମହତ୍ତ୍ୱ ରହିଛି।
ଆଜି ଜୁଲାଇ ୭ ତାରିଖ ଶନିବାର। ଶନିବାର ମଧ୍ୟ ସପ୍ତାହର ସପ୍ତମ ଦିନ। ଏହି ସଂଯୋଗରୁ ଆଜିର ଦିନଟି ଅତ୍ୟନ୍ତ ଶୁଭ ଅଟେ।
ଆଜି ଜୁଲାଇ ମାସ ହୋଇଥିବାରୁ ଏହା ବର୍ଷରୁ ସପ୍ତମ ମାସ ଅଟେ। ତିଥି,ମାସ ଓ ବର୍ଷର ଅଙ୍କକୁ ମିଶାଇ ଦେଖିଲେ ଏହା (୭+୭+୨୦୧୮=୨୫) ହେଉଛି। ଅଙ୍କ ଜ୍ୟୋତିଷରେ ସଂଖ୍ୟାର ମିଶାଣ କେବଳ ୯ ମଧ୍ୟରେ ସୀମିତ। ତେଣୁ ୨୫କୁ (୨+୫=୭) ମିଶାଇଲେ ୭ ହେଉଛି।
ଠିକ ସେହିପରି ଭାବରେ ୭ତାରିଖ, ୭ମାସ, ସପ୍ତାହର ୭ଦିନ(ଶେଷ ଦିନ) (୭+୭+୭=୨୧) ର ମହାସଂଯୋଗ ହେଉଛି। ଏହି (୨+୧=୩) କୁ ମିଶାଇବା ଦ୍ୱାରା ୩ ଅଙ୍କ ହେଉଛି। ଏପରି ଭାବରେ ଆଜିର ଦିନ କିଛି ବ୍ୟକ୍ତିଙ୍କ ପାଇଁ ଶୁଭଫଳ ପ୍ରଦାନ କରୁଛି।
ଯେଉଁ ବ୍ୟକ୍ତିମାନଙ୍କର ଜନ୍ମ ତାରିଖର ମୂଲ୍ୟାଙ୍କ ୩ ସେମାନଙ୍କ ପାଇଁ ଆଜିର ଦିନ ଖୁବ୍ ଉତ୍ତମ ଅଟେ। ଆଜିର ଦିନରେ କୌଣସି ନୂଆ ଗାଡି କିଣିବା ଓ ନୂଆ କାମ ଆରମ୍ଭ କରିବା ଶୁଭ ଅଟେ। ଆଜି ଭଗବାନ ବିଷ୍ଣୁଙ୍କୁ ପୂଜା କରିବା ଦ୍ୱାରା ଅତ୍ୟନ୍ତ ଶୁଭ ଫଳ ପ୍ରାପ୍ତି ହୋଇଥାଏ।
ଯେଉଁ ବ୍ୟକ୍ତିଙ୍କ ଜନ୍ମତାରିଖ ମୂଲ୍ୟାଙ୍କ ୭ ଓ ୮ ସେମାନଙ୍କ ଜୀବନରେ ଆଜି ମାନସିକ ଦୁଶ୍ଚିନ୍ତା ଲାଗି ରହିବ। ସ୍ୱାସ୍ଥ୍ୟାବସ୍ଥା ଠିକ ରହିବନି। କିଛି ରହସ୍ୟମୟ କଥା ଉପରେ ଆଜି ଆପଣଙ୍କ ରୁଚି ରହିବ।
ଅନ୍ୟ ମୂଲ୍ୟାଙ୍କ ବ୍ୟକ୍ତିଙ୍କ ପାଇଁ ଆଜିର ଦିନଟି ମଧ୍ୟମ ଧରଣର ରହିବ। ଆଜି କୌଣସି ବଡ କାମକୁ ହାତକୁ ନିଅନ୍ତୁ ନାହିଁ। କାହାକୁ ଅଧିକ ବିଶ୍ୱାସ କରନ୍ତୁ ନାହିଁ।
ଆଜି କୁକୁରକୁ ରୁଟି ଖାଇବାକୁ ଦିଅନ୍ତୁ। ଏପରି କରିବା ଦ୍ୱାରା ଆପଣଙ୍କର ଲାଭ ହେବ। ଶନି ଓ କେତୁ ଗ୍ରହଙ୍କର ସକାରାତ୍ମକ ପ୍ରଭାବ ଆପଣଙ୍କ ଜୀବନରେ ପଡିବ।