ନୂଆଦିଲ୍ଲୀ : ଗୈାରୀ ଖାନ୍ ପ୍ରଯୋଜିତ ଆନନ୍ଦ ଏଲ ରାୟ ନିର୍ଦେଶିତ ଶାହରୁଖ ଖାନ ଅଭିନୀତ ଚଳଚ୍ଚିତ୍ର ଜିରୋର ଟିଜର୍ ରିଲିଜ ହୋଇସାରିଛି। ଇଦ୍ ଅବସରରେ ରିଲିଜ ହୋଇଛି ଏହାର ଟିଜର୍। ଟିଜର୍ ରିଳିଜ ହେବାର ୨୪ଘଣ୍ଟା ମଧ୍ୟରେ ଏହାକୁ ୨.୪କୋଟି ଥର ଦର୍ଶକ ଦେଖିଛନ୍ତି। ଏହାଦ୍ୱାରା ଏହି ଚଳଚ୍ଚିତ୍ର ଏକ ରେକର୍ଡ ସୃଷ୍ଟି କରିଛି। ଚଳଚ୍ଚିତ୍ରର ଟିଜର୍ ରେ ଶାହରୁଖ ଖାନ୍ ଏବଂ ସଲମାନ ଖାନ୍ଙ୍କର ଉପସ୍ଥିତି ଟିଜର୍କୁ ଏତେ ମାତ୍ରାରେ ହିଟ କରିବାର ମୂଳ କାରଣ ବୋଲି ଜଣାପଡିଛି। ଚଳିତବର୍ଷ ଡିସେମ୍ବର ମାସ ୨୧ତାରିଖରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର। ଏହି ଚଳଚ୍ଚିତ୍ରରେ ଶାହରୁଖ ଏକ ବାମନ ଭୂମିକାରେ ନଜରଆସିବେ।
