ସମ୍ବଲପୁର : ସମ୍ବଲପୁରର ଅଇଁଠାପାଲି ଛକ ନିକଟରେ ଥିବା ଏକ ଗୋଦାମ ଘରୁ ରକ୍ତ ଜୁଡୁବୁଡୁ ଅବସ୍ଥାରେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ମୃତକ ରଞ୍ଜିତ ସାହୁ ବୋଲି ଜଣାପଡିଛି। ରଞ୍ଜିତ୍ ଅଇଁଠାପାଲି ଅଞ୍ଚଳରେ ରହୁଥିବା ବେଳେ ସେ ରାତ୍ରି କାଳୀନ ବସ ଗୁଡିକରେ ଆସୁଥିବା ବିଭିନ୍ନ ସାମଗ୍ରୀ ଗୁଡିକୁ ଓହ୍ଲାଇ ନିଜ ଗୋଦାମରେ ରଖୁଥିଲେ। ପରେ କିଛି ପାଉଣା ନେଇ ସେସବୁ ସାମଗ୍ରୀ ଗୁଡିକୁ ସେମାନଙ୍କର ମାଲିକ ମାନଙ୍କୁ ପ୍ରଦାନ କରୁଥିଲେ। ସବୁ ଦିନ ଭଳି ଶୁକ୍ରବାର ସକାଳୁ ଉଠି ରଞ୍ଜିତ୍ କାମକୁ ଯାଇଥିବାବେଳେ ସନ୍ଧ୍ୟା ପର୍ଯ୍ୟନ୍ତ ଆଉ ଘରକୁ ଫେରିନଥିଲେ। ଗୋଦାମର ସିଢି ନିକଟରେ ରକ୍ତ ଛିଟା ଦେଖି ସ୍ଥାନୀୟ ଲୋକ ତୁରନ୍ତ ତାଙ୍କର ପରିବାରକୁ ଖବର ଦେଇଥିଲେ । ପରିବାର ଲୋକ ଆସି ରକ୍ତ ଜୁଡୁବୁଡୁ ଅବସ୍ଥାରେ ରଞ୍ଜିତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର କାରଣ ଜଣାପଡିନଥିବାବେଳେ ରଞ୍ଜିତଙ୍କୁ କେହି ହତ୍ୟା କରିଥାଇପାରନ୍ତି ବୋଲି ପରିବାର ଲୋକ ଅଭିଯୋଗ କରିଛନ୍ତି।
Popular Categories
Previous article
Next article