ନୂଆଦିଲ୍ଲୀ : ୟାମାହା ଭାରତରେ ଏଫଜେଡ୍-ଏସଏଫଆଇକୁ ଅପଡେଟ୍ କରିଛି । ଏହି ଅପଡେଟ୍ ସହିତ ଏହାର ଦାମ୍ ସାମାନ୍ୟ ବୃଦ୍ଧି ପାଇଛି । କମ୍ପାନୀ ଏହାର ଡିଜାଇନକୁ ସାମାନ୍ୟ ପରିବର୍ତ୍ତନ କରିବା ସହିତ ଏଥିରେ କିଛି ନୂଆ କଲର ବିକଳ୍ପ ମଧ୍ୟ ନେଇଆସିଛି ଯେଉଁଥିରେ ମ୍ୟାଟ୍ ବ୍ଲାକ୍, ଆଇସ ଫ୍ଲୁଓ-ବର୍ମିଲିୟନ୍, ମେଟାଲିକ୍ ଗ୍ରେ ଓ ସାଇବର ଗ୍ରୀନ୍ ସାମିଲ ।
ଭାରତୀୟ ବଜାରରେ ୨୦୨୫ ୟାମାହା FZ-S FIର ଏକ୍ସ-ଶୋରୁମ୍ ଦାମ୍ ୧,୩୪,୮୦୦ ଟଙ୍କା । ନୂଆ ଦାମ୍ ଭର୍ସନ ୪.୦ ଅପେକ୍ଷା ୩,୬୦୦ ଟଙ୍କା ଅଧିକ ରହିଛି । ଏଥିରେ ୧୪୯ ସିସି ସିଙ୍ଗଲ-ସିଲିଣ୍ଡର ଏୟାର-କୁଲ୍ଡ ଇଞ୍ଜିନ୍ ରହିଛି ଯାହା ୧୨ ବିଏଚପିର ସର୍ବାଧିକ ପାଓ୍ବର ଓ ୧୩.୩ ଏନଏମର ପିକ୍ ଟର୍କ ଜେନେରେଟ୍ କରିବାରେ ସକ୍ଷମ । ବାଇକ୍ ଇଞ୍ଜିନକୁ ୫ ସ୍ପିଡ୍ ଗିୟରବକ୍ସ ସହ ଯୋଡାଯାଇଛି । ବାଇକରେ ୧୪୦ ସେକ୍ସନର ବଡ ରିୟର ଟାୟର, ସିଙ୍ଗଲ-ଚ୍ୟାନେଲ୍ ଏବିଏସ୍, ଟ୍ରାକ୍ସନ କଣ୍ଟ୍ରୋଲ, ଓ୍ବାଇ-କନେକ୍ଟ ସହିତ ସମ୍ପୂର୍ଣ୍ଣ ରୂପେ ଡିଜିଟାଲ କ୍ଲଷ୍ଟର ଓ ଏଲଇଡି ହେଡଲାଇଟ୍ସ ସାମିଲ ।
