ପୁନେ: ଆଜି ପୁନେଠାରେ ଖେଳାଯାଇଥିବା ଆଇସିସି ବିଶ୍ବକପର ଗୁରୁତ୍ବପୂର୍ଣ୍ଣ ମ୍ୟାଚରେ ବାଂଲାଦେଶଠାରୁ ଭାରତ ୭ୱକେଟରେ ବିଜୟୀ ହୋଇଛି। ଆଜି ଆଇସିସି ବିଶ୍ବକପରେ ଭାରତ-ବାଂଲାଦେଶ ମୁକାବିଲାରେ ଏକପାଖିଆ ଭାରତ ବିଜୟ ଲାଭ କରିଛି। ବାଂଲାଦେଲ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇ ପ୍ରଥମେ ବ୍ୟାଟିଂ କରି ସମସ୍ତ ୱିକେଟ ହରାଇ ୨୫୬/୮ ରନ୍ ସ୍କୋର କରିବାରେ ସଫଳ ହୋଇଥିଲା ଏବଂ ଭାରତକୁ ୨୫୭ ଟାର୍ଗେଟ ଦେଇଥିଲା। ଏହାର ଜବାବରେ ଭାରତ ମାତ୍ର ୪୧.୩ ଓଭରରେ ୨୬୧ରନ କରି ୭ୱିକେଟରେ ବିଜୟୀ ହୋଇଥିଲା। ଏହି ମ୍ୟାଚରେ ମାତ୍ର ୩ ୱିକେଟ ହରାଇ ବିଜୟ ଲକ୍ଷ୍ୟ ପୂରଣ କରିଛି ଭାରତ।
ବାଂଲାଦେଶକୁ ହରାଇ ଭାରତର ଚତୁର୍ଥ ବିଜୟ ହାସଲ କରିଛି। ଏହା ବିଶ୍ବକପ କ୍ରିକେଟରେ ଭାରତର କ୍ରମାଗତ ଚତୁର୍ଥ ବିଜୟ ହୋଇଛି। ବାଂଲାଦେଶକୁ ୭ ୱିକେଟରେ ହରାଇ ଚତୁର୍ଥ ବିଜୟ ହାସଲ କରିନେଇଛି ଭାରତ। ବିରାଟ କୋହିଲାଙ୍କ ଚମତ୍କାର ଶତକ ବଳରେ ଭାରତର ସହଜ ବିଜୟ। ଛକା ମାରି ଶତକ ପୂରଣ କରିବା ସହ ବିଜୟ ଆଣିଥିଲେ କୋହିଲି ହାସଲ। ଏହାସହିତ ବିରାଟ କୋହିଲି ତାଙ୍କର ୪୮ତମ ଶତକ ହାସଲ କରିବାରେ ସଫଳ ହୋଇଥିଲେ। ବିରାଟ କୋହିଲିଙ୍କ ଅପରାଜିତ ୧୦୩ ରନ ସାଙ୍ଗକୁ ରୋହିତ ଶର୍ମା ୪୮, ଶୁବମନ ଗିଲ ୫୩, ଶ୍ରେୟସ ଆୟାର ୧୯ ଏବଂ କେ.ଏଲ ରାହୁଲ ୩୪ ରନ କରି ଭାରତକୁ ବିଜୟୀ କରାଇବାରେ ପ୍ରମୁଖ ଭୂମିକା ନିର୍ବାହ କରିଥିଲେ। ବାଂଲାଦେଶ ପକ୍ଷରୁ ମେହେଦି ହାସନ ୨ଟି ୱିକେଟ ନେଇଥିବାବେଳେ ହାସନ ମହମ୍ମୁଦ ଗୋଟିଏ ୱିକେଟ ନେବାରେ ସଫଳ ହୋଇଥିଲେ।
ଆଜି ବାଂଲାଦେଶ ଟସ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ବାଂଲାଦେଶର ଦୁଇ ଓପନର ତାନଜିଦ ହାସନ ଓ ଲିଟନ ଦାସ ଲଢୁଆ ବ୍ୟାଟିଂ କରି ଦଳ ପାଇଁ ଏକ ଭଲ ମୂଳଦୂଆ ପକାଇଥିଲେ। କିନ୍ତୁ ଦଳ ମଧ୍ୟକ୍ରମ ବିଫଳ ହୋଇଥିଲା। ଭାରତୀୟ ବୋଲରମାନେ ଭଲ ବୋଲିଂ କରି ମ୍ୟାଚକୁ ନିଜ ଅକ୍ତିଆରକୁ ନେଇଥିଲେ। ନିମ୍ନ ମଧ୍ୟକ୍ରମ ମଧ୍ୟରୁ ମୁସ୍ତାଫିକୁର ରହିମ ଓ ମହମ୍ମଦୁଲ୍ଲା ଲଢୁଆ ବ୍ୟାଟିଂ ଫଳରେ ବାଂଲାଦେଶ ଏକ ଭଲ ସ୍କୋର ଠିଆ କରିବାରେ ସଫଳ ହୋଇଥିଲା। ବାଂଲାଦେଶ ନିର୍ଦ୍ଧାରିତ ୫୦ ଓଭରରେ ୮ ୱିକେଟ ହରାଇ ୨୫୬ ରନ କରିଥିଲା। ହାସନ ୫୧ ରନ ଓ ଲିଟନ ୬୬ ରନ କରିଥିଲାବେଳେ ରହିମ ୩୮ ରନ ଓ ମହମ୍ମଦୁଲ୍ଲୀ ୪୬ ରନ ସଂଗ୍ରହ କରିଥିଲେ। ଭାରତ ପକ୍ଷରୁ ଯଶପ୍ରୀତ ବୁମରା, ମହମ୍ମଦ ସିରାଜ ଓ ରବୀନ୍ଦ୍ର ଜାଦେଜା ୨ଟି ଲେଖାଏଁ ୱିକେଟ ନେଇଥିଲେ ।
ଚଳିତ ବିଶ୍ବକପରେ ଭାରତ ସମସ୍ତ ମ୍ୟାଚ ବିଜୟୀ ହୋଇ ଅପରାଜେୟ ରହିଛି। ଏହାସହିତ ରନ ଆଧାରରେ ପଏଣ୍ଟ ଟେବୁଲ ଆଜିର ମ୍ୟାଚ ଜିତି ଭାରତ ପୁଣିଥରେ ପଏଣ୍ଟ ଟେବୁଲ ଶୀର୍ଷକୁ ଯାଇଛି।
