ଓରେଗନ୍ : ଏଥର ବିଶ୍ବ ଦୌଡ଼କୁଦ ଚମ୍ପିଆନସିପରେ ଭାରତ ଶ୍ରେଷ୍ଠ ପ୍ରଦର୍ଶନ କରି ୩୩ତମ ସ୍ଥାନରେ ରହିଛି। ନୀରଜ ଜିତଥିବା ଗୋଟିଏ ରୌପ୍ୟ ପଦକକୁ ବାଦ୍ ଦେଲେ ୬ ଜଣ ଭାରତୀୟ ବିଭିନ୍ନ ଇଭେଣ୍ଟର ଫାଇନାଲରେ ପ୍ରବେଶ କରିଥିଲେ। ପ୍ରଥମଥର ବିଶ୍ବ ଦୌଡ଼କୁଦ ମହାସଂଘ (ଆଇଏଏଏଫ୍) ଦଳଗତ ପଏଣ୍ଟ ତାଲିକା ଜାରିକରିଛି। ଏଥିରେ ଭାରତ ୧୧ ପଏଣ୍ଟ ପାଇଛି। ନୀରଜଙ୍କ ରୌପ୍ୟ ପାଇଁ ୭ ଓ ଅନୁରାଣୀ ଓ ଶ୍ରୀଶଙ୍କର ୭ମ ସ୍ଥାନରେ ରହିଥିବାରୁ ୨ଟି ଲେଖାଏଁ ପଏଣ୍ଟ ପାଇଛନ୍ତି। ପୁରୁଷ ଜାଭେଲିନ୍ ଥ୍ରୋ’ରେ ନୀରଜ ଓ ରୋହିତ ଯାଦବ ଫାଇନାଲରେ ପ୍ରବେଶ କରିଥିଲେ। ମହିଳା ଜାଭେଲିନ ଥ୍ରୋ’ରେ ଅନୁରାଣୀ, ପୁରୁଷ ଲଙ୍ଗଜମ୍ପରେ ମୁରଲୀ ଶ୍ରୀଶଙ୍କର, ପୁରୁଷ ଟ୍ରିପଲ ଜମ୍ପ୍ରେ ଏଲ୍ଡୋସ ପଲ୍ ଏବଂ ପୁରୁଷ ୩,୦୦୦ ମିଟର ଷ୍ଟିପଲଚେଜ୍ରେ ଅବିନାଶ ସାବ୍ଲେ ଫାଇନାଲରେ ପ୍ରବେଶ କରିଥିଲେ। ନୀରଜଙ୍କୁ ଛାଡ଼ି ଅନ୍ୟ ସମସ୍ତେ ପଦକ ଜିତିବାରେ ବିଫଳ ହୋଇଥିଲେ। ଏହାପୂର୍ବରୁ ୨୦୧୫ରେ ଭାରତ ୩ ଖେଳାଳି ଫାଇନାଲରେ ପ୍ରବେଶ କରି ଶ୍ରେଷ୍ଠ ପ୍ରଦର୍ଶନ କରିଥିଲେ। ଶ୍ରୀଶଙ୍କର ଫାଇନାଲରେ ୭ମ ସ୍ଥାନରେ, ଅବିନାଶ ଫାଇନାଲରେ ୧୧ଶ, ଅନୁରାଣୀ ୭ମ, ରୋହିତ ୧୦ମ, ଏଲଡୋସ୍ ୯ମ ସ୍ଥାନରେ ରହି ଅଭିଯାନ ଶେଷ କରିଥିଲେ। ପ୍ରଥମଥର ଜଣେ ଭାରତୀୟ ବିଶ୍ବ ଚମ୍ପିଆନ୍ସିପ୍ରେ ରୌପ୍ୟପଦକ ଜିତିଥିଲେ। ୧୭ ପୁରୁଷ ଓ ୩ ମହିଳାଙ୍କ ସହ ମୋଟ ୨୦ ଭାରତୀୟ ଆଥ୍ଳେଟ୍ ୧୨ଟି ଇଭେଣ୍ଟରେ ଅଂଶଗ୍ରହଣ କରିଥିଲେ।
ବିଶ୍ବ ଦୌଡ଼କୁଦ ଚମ୍ପିଆନସିପ୍ ଉଦ୍ଯାପିତ : ଶ୍ରେଷ୍ଠ ପ୍ରଦର୍ଶନ ସହ ଭାରତକୁ ୩୩ଶ ସ୍ଥାନ
Popular Categories
Previous article
Next article