ସଫ୍ଟୱେୟାର କମ୍ପାନୀ ସହ ଅନ୍ୟ କେତେକ କମ୍ପାନୀ ବର୍ତ୍ତମାନ ପରିସ୍ଥିତିରେ ୱାର୍କ ଫ୍ରମ୍ ହୋମ୍ ଜରିଆରେ କାମ କରିବାକୁ ଗୁରୁତ୍ବ ଦେଉଛନ୍ତି। ନିକଟରେ ହୋଇଥିବା ଏକ ଅନୁଧ୍ୟାନରୁ ଜଣାପଡ଼ିଛି, ଏହି ପ୍ରକ୍ରିୟାରେ କାମ କରୁଥିବା ୪୫% ଲୋକ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି।
– ୱାର୍କ ଫ୍ରମ୍ ହୋମ୍ରେ ୨୩% ମହିଳା ଚାପରେ ରହୁଛନ୍ତି। ଘର କାମ ଓ ଅଫିସ୍ କାମକୁ ଯଥା ସମୟରେ ସମ୍ପାଦନ କରିବା ହିଁ ସେମାନଙ୍କ ପାଇଁ ସବୁଠୁ ବଡ଼ ଚ୍ୟାଲେଞ୍ଜ୍ ହୋଇଥିବାର ଅଧିକାଂଶଙ୍କ ମତ।
– ଘରେ କାମ କରୁଥିବା କାରଣରୁ ଲୋକେ ଅନବରତ ଖାଇବାରେ ହେଳା କରୁନାହାନ୍ତି। କାମ ଚାଲୁଥିବା ସମୟରେ ପାଖରେ ମୃଦୁପାନୀୟ, ବର୍ଗର, ଚିପ୍ସ ଇତ୍ୟାଦି ରଖି ଖାଉଥିବାରୁ ସେମାନଙ୍କ ଓଜନ ବଢ଼ିବାରେ ଲାଗିଛି। କାର୍ଯ୍ୟାଳୟରେ ଥିବା ସମୟରେ ଏସବୁ ନିୟମରେ କଟକଣା ରହୁଥିଲା।
– ଏକାକୀ ଘରେ କାମ କରୁଥିବାରୁ ସେମାନେ ମାନସିକ ଅବସାଦଗ୍ରସ୍ତ ହେଉଥିବାର କହିଛନ୍ତି। କର୍ମଚାରୀଙ୍କ ସହ ଥଟ୍ଟା, ମଜା କରିବାର ସେ ମାହୋଲ୍ ଘରେ ମିଳୁନଥିବାର ମତ ମିଳିଛି।
– ୱାର୍କ ଫ୍ରମ୍ ହୋମ୍ରେ ୩୩% ଲୋକ ଅନିଦ୍ରାରେ ମଧ୍ୟ ଆକ୍ରାନ୍ତ ହେଉଥିବାର ପ୍ରକାଶ। ଅଧିକାଂଶ ସମୟ ଲ୍ୟାପଟପ୍ ସ୍କ୍ରିନ୍ରେ କାମ କରୁଥିବାରୁ ତାହାର ପ୍ରଭାବ ଶରୀର ଉପରେ ପଡ଼ୁଛି। ନିଦ୍ରାହୀନତା କାରଣରୁ କାମ ମଧ୍ୟ ଠିକ୍ରେ ଲୋକେ କରିପାରୁନାହାନ୍ତି।
– ଘରେ ରହି କାମ କଲେ ଲୋକେ ଚେୟାର, ଟେବୁଲ୍ ପରିବର୍ତ୍ତେ ଖଟ ଉପରେ ଶୋଇ, ବସି ଆରାମରେ କାମ କରିବାକୁ ପସନ୍ଦ କରୁଛନ୍ତି। ଏହି କାରଣରୁ ସେମାନଙ୍କ ପିଠି ଓ ଅଣ୍ଟା ବଥା ସମସ୍ୟା ମଧ୍ୟ ବଢ଼ିବାରେ ଲାଗିଛି।
ୱାର୍କ ଫ୍ରମ୍ ହୋମ୍ କରୁଥିଲେ ସତର୍କ ରହନ୍ତୁ
Popular Categories
Previous article
Next article