ମୁମ୍ବଇ : ଆସନ୍ତା ନଭେମ୍ବର ୯ରୁ ୧୪ ପର୍ଯ୍ୟନ୍ତ ୱେଷ୍ଟଇଣ୍ଡିଜରେ ଆଇସିସି ମହିଳା ଟ୍ୱେଣ୍ଟି୨୦ ବିଶ୍ୱକପ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ ହେବ। ଏଥିପାଇଁ ବିସିସିଆଇ ପକ୍ଷରୁ ଶୁକ୍ରବାର ୧୫ ଜଣିଆ ଭାରତୀୟ ଦଳ ଘୋଷଣା କରାଯାଇଛି। ହରମନପ୍ରୀତ କୌର ଏହି ଟୁର୍ଣ୍ଣାମେଣ୍ଟରେ ଦଳର ନେତୃତ୍ୱ ନେଉଥିବାବେଳେ ସ୍ମୃତି ମାନ୍ଧାନାଙ୍କୁ ଉପ ଅଧିନାୟିକା ଦାୟିତ୍ୱ ଅର୍ପଣ କରାଯାଇଛି। ଏହି ଟୁର୍ଣ୍ଣାମେଣ୍ଟରେ ମୋଟ ୧୦ଟି ଦଳ ଅଂଶଗ୍ରହଣ କରିବେ। ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ପାକିସ୍ତାନ ଓ ଆୟରଲାଣ୍ଡ ସହ ଭାରତ ଗ୍ରୁପ୍-ବି’ରେ ସ୍ଥାନ ପାଇଛି। ନଭେମ୍ବର ୯ରେ ଭାରତ ତାହାର ପ୍ରଥମ ଲିଗ୍ ମ୍ୟାଚରେ ନ୍ୟୁଜିଲାଣ୍ଡକୁ ଭେଟୁଥିବାବେଳେ ନଭେମ୍ବର ୧୧ରେ ପାକିସ୍ତାନକୁ, ନଭେମ୍ବର ୧୫ରେ ଆୟରଲାଣ୍ଡକୁ ଓ ୧୭ରେ ଅଷ୍ଟ୍ରେଲିଆକୁ ଭେଟିବ।
ଘୋଷିତ ଭାରତୀୟ ଦଳ: ହରମନପ୍ରୀତ କୌର (ଅଧିନାୟିକା), ସ୍ମୃତି ମାନ୍ଧାନା (ଉପ ଅଧିନାୟିକା), ମିତାଲି ରାଜ, ଜେମିମା ରୋଡ୍ରିଗ୍ୱେଜ୍, ବେଦା କୃଷ୍ଣମୂର୍ତ୍ତି, ଦିପ୍ତୀ ଶର୍ମା, ତାନିୟା ଭାଟିଆ (ୱିକେଟ ରକ୍ଷକ), ପୁନମ ଯାଦବ, ରାଧା ଯାଦବ, ଅନୁଜା ପାଟିଲ, ଏକତା ବିସ୍ତ୍, ହେମଲତା, ମାନସୀ ଜୋଷୀ, ପୂଜା ବସ୍ତ୍ରାକର ଓ ଅରୁନ୍ଧତି ରେଡ୍ଡି।
