ସମ୍ବଲପୁର: ଦିଅଁ ଦର୍ଶନ କରିବାକୁ ଆସି ପଥର ଗୁମ୍ଫା ଭିତରେ ଫଶିଗଲେ ମହିଳା। ସମ୍ବଲପୁର ଜିଲା ଯୁଯୁମୁରା ବ୍ଲକ ଭଣ୍ଡାରୀମାଲ ପାହାଡ଼ ଗୁମ୍ଫାରେ ବୁଧବାର ଜଣେ ମହିଳା ଫଶିଯାଇଥିବା ସୂଚନା ମିଳିଛି। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଚଳାଇଥିଲେ। ଅନେକ ସମୟ ଧରି ଚେଷ୍ଟା ପରେ ମହିଳା ଜଣକ ଉଦ୍ଧାର ହୋଇଥିଲେ।
ସୂଚନା ଅନୁସାରେ, ମହିଳା ଜଣକ ପୂର୍ଣ୍ଣିମାରେ ଠାକୁରଙ୍କୁ ଦର୍ଶନ କରିବା ଲାଗି ଭଣ୍ଡାରୀମାଳ ପାହାଡ଼ରେ ଥିବା ମନ୍ଦିରକୁ ଯାଉଥିଲେ। ସଂକୀର୍ଣ୍ଣ ଗୁମ୍ଫା ଭିତର ଦେଇ ଯିବା ସମୟରେ ସେ ଅଟକି ଯାଇଥିଲେ। ଆଗକୁ କିମ୍ବା ପଛକୁ ଯାଇପାରି ନ ଥିଲେ। ଏହା ପରେ ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ।
