ସମାଜ ଡିଜିଟାଲ ଡେସ୍କ: ଅସଦାଚରଣର ପ୍ରତିବାଦ କରିବାରକୁ ଜଣେ ମହିଳାଙ୍କୁ ଚଳନ୍ତା ବସରୁ ଠେଲି ଦିଆଯାଇଛି। ମହିଳା ଜଣକ ବସରୁ ପଡ଼ି ଆହତ ହୋଇଛନ୍ତି। ଉତ୍ତର କଲକାତାର ସିନ୍ଥିମୋରେ ଅଞ୍ଚଳରେ ଏହି ଅଭାବନୀୟ ଘଟଣା ଘଟିଛି। ଏହି ଘଟଣାରେ ପୁଲିସ ୨୧ ବର୍ଷୀୟ ଅଭିଯୁକ୍ତ ମହମ୍ମଦ ସୈଫ ଓରଫ ସଇଫୁଦ୍ଦିନକୁ ଗିରଫ କରିଛି। ତା’ ଘର ନାରକେଲଦଙ୍ଗାରେ।
ପୁଲିସ ସୂଚନା ଅନୁସାରେ, ସିନ୍ଥି ଅଞ୍ଚଳର ୨୨ ବର୍ଷୀୟା ପୀଡ଼ିତା ମହିଳା ସିଆଲଦାରୁ ଏକ ସରକାରୀ ବସରେ ଚଢ଼ିଥିଲେ। ଅଭିଯୁକ୍ତ ସୈଫ ରାଜାବଜାର ଅଞ୍ଚଳରୁ ବସରେ ଚଢ଼ିଥିଲା। ଏହା ପରେ ଅଭିଯୁକ୍ତ ଯୁବକ ଉକ୍ତ ମହିଳାଙ୍କୁ ବସ ଭିତରେ ଅସଦାଚରଣ କରିଥିଲା। ମହିଳା ଜଣକ ବିରୋଧ କରିଥିଲେ ମଧ୍ୟ ସେ ଜୋରଜବରଦସ୍ତି ତାଙ୍କୁ ଅସଦାଚରଣ କରିଚାଲିଥିଲା। ଶେଷରେ ମହିଳାଙ୍କ ଅଭିଯୁକ୍ତ ସହିତ ଯୁକ୍ତିତର୍କ ହୋଇଥିଲା। ଯାହାଫରେ ଅଭିଯୁକ୍ତ ତାଙ୍କୁ ବସରୁ ବାହାରକୁ ଠେଲିଦେଇଥିଲା। ସ୍ଥାନୀୟ ଲୋକେ ମହିଳାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ।
