ଫ୍ଲିପକାର୍ଟ ନାଁରେ ମହିଳାଙ୍କୁ ଠକେଇ, ଥାନାରେ ମାମଲା

ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ବାସନ୍ତି ବିହାର ଅଞ୍ଚଳର ଜଣେ ମହିଳାଙ୍କଠାରୁ ଅନଲାଇନ ସପିଂ ପ୍ଲାଟଫର୍ମ  ଫ୍ଲିପକାର୍ଟ ନାଁରେ ୬୪ ହଜାର ୫୯୬ ଟଙ୍କା ଠକେଇ ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ସୂଚନା ଅନୁସାରେ, ମହିଳା ଜଣକ ଗତ ମାସ ୨୪ ତାରିଖରେ ନିଜ ମୋବାଇଲରେ ଫ୍ଲିପକାର୍ଟ ମାଧ୍ୟମରେ ମୋବାଇଲରେ ସାମଗ୍ରୀ ବରାଦ କରିଥିଲେ। ତାହାର ମୂଲ୍ୟ ୭୩୨ ଟଙ୍କା ରହିଥିଲା। ମହିଳା ଜଣକ ଭୁଲ ବଶତଃ ୭୨୫ ଟଙ୍କା ପଇଠ କରିଥିଲେ। ବଳକା ୭ ଟଙ୍କା ପଇଠ କଲେ ଜିନିଷ ମିଳିବ ବୋଲି ଫୋନ ଆସିଥିଲା। ପରେ ମହିଳା ଜଣକ ବଳକା ଟଙ୍କା ଦେଇଥିଲେ। ପୁଣି ଥରେ ଫୋନ ଆସିଥିଲା ଯେ ଆପଣ ଅନ୍ୟ ସାମଗ୍ରୀ ବରାଦ ବାବଦରେ ଆହୁରି ୨ ହଜାର ୩୧୮ ଟଙ୍କା ଜମା କରିବାକୁ ପଡ଼ିବ। ଏହା ପରେ ମହିଳା ଜଣକ ମୋବାଇଲରେ ଅପରେଟିଂ କରି ଚାଲିଥିଲେ। ତାହାରି ମଧ୍ୟରେ ମହିଳା ଜଣକ ୬୪ ହଜାର ୫ ଶହ ୯୬ ଟଙ୍କା ଜମା କରି ସାରିଥିଲେ। ପୁଣି ଥରେ ଫୋନ ଆସିଥିଲା ଯେ ୨୦ ହଜାର ଟଙ୍କା ବାନ୍ଧିଲେ ସମ୍ପୂର୍ଣ୍ଣ ଟଙ୍କା ଫେରସ୍ତ କରାଯିବ। ଏ ନେଇ ମହିଳା ଜଣକ ତାଙ୍କ ବାପାଙ୍କୁ ଜଣାଇଥିଲେ। ବାପା ସମ୍ପୂର୍ଣ୍ଣ ଖବର ଜାଣିବା ପରେ ଠକେଇର ଶିକାର ହୋଇଥିବା ଜାଣିପାରି ଥିଲେ। ଯାହାକୁ ନେଇ ମହିଳା ଜଣକ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୩୦୬/୨୪ରେ ମାମଲା ରୁଜୁ କରିଛି। ଘଟଣାର ତଦନ୍ତ ଚାଲିଥିବା ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ସୂଚନା ଦେଇଛନ୍ତି।