ଦେଖନ୍ତୁ ଭିଡିଓ: ଟ୍ରାଫିକରେ ଗାଡ଼ି ଅଟକାଇ ରିଲ୍ସ କଲେ ସ୍ତ୍ରୀ, କନଷ୍ଟେବଳ ସ୍ବାମୀ ନିଲମ୍ବିତ

ସମାଜ ଡିଜିଟାଲ ଡେସ୍କ: ଟ୍ରାଫିକରେ ଗାଡ଼ିକୁ ଅଟକାଇ ସାମାଜିକ ଗଣମାଧ୍ୟମ ପାଇଁ ରିଲ୍ସ କଲେ ମହିଳା। ଯାହା ମହଙ୍ଗା ପଡ଼ିଛି ତାଙ୍କ କନଷ୍ଟେବଳ ସ୍ବାମୀଙ୍କ ପାଇଁ। ରିଲ୍ସ ପାଇଁ ଅଟକି ରହିଲା ଗାଡ଼ିମୋଟର। ଏହାର ଭିଡିଓ ଭାଇରାଲ ହେବା ପରେ ପୁଲିସ ପକ୍ଷରୁ ମହିଳାଙ୍କ ସ୍ବାମୀ ତଥା ଚଣ୍ଡୀଗଡ଼ ପୁଲିସରେ ନିଯୁକ୍ତ କନଷ୍ଟେବଳଙ୍କୁ ନିଲମ୍ବିତ କରାଯାଇଛି। ଏହା ସହିତ ୩ ଜଣଙ୍କ ବିରୋଧରେ ମାମଲା ରୁଜୁ ହୋଇଛି।

ଘଟଣାଟି ଚଣ୍ଡୀଗଡ଼ର ସେକ୍ଟର-୨୦ ଗୁରୁଦ୍ବାରା ଲାଇଟ ପଏଣ୍ଟ ନିକଟରେ ଘଟିଛି। ଜ୍ୟୋତି ନାମକ ଜଣେ ମହିଳା ନିଜର ଭାଉଜ ସହିତ ଜେବ୍ରା କ୍ରସିଂରେ ନାଚୁଥିବାର ଭିଡିଓ ତିଆରି କରିଥିଲେ। ଜ୍ୟୋତି ଏହି ଭିଡିଓକୁ ନିଜ ସ୍ବାମୀ ଅଜୟ କୁଣ୍ଡୁଙ୍କ ସାସାମଜିକ ଗଣମାଧ୍ୟମ ଆକାଉଣ୍ଟରେ ଅପଲୋଡ କରିଥିଲେ। ଏହି ଭିଡିଓ ତୁରନ୍ତ ଭାଇରାଲ ହୋଇଯାଇଥିଲା।

ଭିଡିଓ ସାମ୍ନାକୁ ଆସିବା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ତଦନ୍ତରୁ ଜଣାପଡ଼ିଥିଲା ଯେ ଭିଡିଓଟି ଅଜୟଙ୍କ ଆକାଉଣ୍ଟରୁ ଅପଲୋଡ୍‌ କରାଯାଇଛି। ଅଜୟ ଚଣ୍ଡୀଗଡ଼ ପୁଲିସରେ କନଷ୍ଟେବଳ ପଦବୀରେ ନିଯୁକ୍ତ ଥିବାବେଳେ ସେ ସେକ୍ଟର-୧୯ ଥାନାରେ କାର୍ଯ୍ୟରତ ଥିଲେ।

ଚଣ୍ଡୀଗଡ଼ ପୁଲିସ ମାମଲାକୁ ଗମ୍ଭୀରତାର ସହିତ ନେବା ସହ ଅଜୟଙ୍କୁ ନିଲମ୍ବନ କରିଥିଲା। ଏହା ସହିତ ତାଙ୍କ ବିରୋଧରେ ସେକ୍ଟର-୩୪ ଥାନାରେ ମାମଲା ରୁଜୁ ହୋଇଛି। ଭିଡିଓ ତିଆରି କରିଥିବା ଦୁଇ ମହିଳା ଜ୍ୟୋତି ଏବଂ ତାଙ୍କ ଭାଉଜ ପୂଜାଙ୍କ ବିରୋଧରେ ବି ମାମଲା ରୁଜୁ ହୋଇଛି।

In Chandigarh, a cop’s wife caused a traffic jam by filming a dance video on a zebra crossing for reel.

The video went viral, prompting police action and an FIR. She was later granted bail.

Thank god, no Tharhole around.

pic.twitter.com/4gi0iID1YO

— Kumar Manish (@kumarmanish9) March 28, 2025