ଗଞ୍ଜାମ: ଗଞ୍ଜାମ ଜିଲା ଜଗନ୍ନାଥ ପ୍ରସାଦ ଥାନା ଅନ୍ତର୍ଗତ ପଟାଧାର ଗାଁରେ ଏକ ଅଭାବନୀୟ ଘଟଣା ଘଟିଛି। ଭାଇ ସହ ମିଶି ସ୍ତ୍ରୀ ସ୍ବାମୀକୁ ହତ୍ୟା କରିଛି। ଏହାପରେ ଥାନାରେ ଉଭୟ ମହିଳା ଓ ତାଙ୍କ ଭାଇ ଆତ୍ମ ସମର୍ପଣ କରିଥିବା ସୂଚନା ମିଳିଛି।
ମିଳିଥିବା ଖବର ଅନୁସାରେ, ଟୁଲୁ ପ୍ରଧାନ ନାମକ ବ୍ୟକ୍ତି ଭୁବନେଶ୍ବରରେ ରହି ଅଟୋ ଚଳାଇ ନିଜ ପରିବାର ପୋଷନ୍ତି। ଟୁଲୁ ଓ ତାଙ୍କ ପତ୍ନୀ ବବି ପ୍ରଧାନଙ୍କ ମଧ୍ୟରେ ଅଧିକାଂଶ ସମୟରେ ପାରିବାରିକ ଝଗଡ଼ା ଲାଗି ରହିଥାଏ। ବୁଧବାର ରାତିରେ ଟୁଲୁ ପଟାଧାର ସ୍ଥିତ ତାଙ୍କ ଶ୍ବଶୁରଘରକୁ ଆସିଥିଲେ। ସେଠାରେ ତାଙ୍କ ସ୍ତ୍ରୀ ବବି ମଧ୍ୟ ଥିଲେ। ସେଠାରେ ପୂର୍ବ ଭଳି ପୁଣି ଝଗଡ଼ା ହେବା ସହ ହାତାହାତି ମଧ୍ୟ ହୋଇଥିଲା। ଶେଷରେ ଭାଇ ଜିତୁ ବଢେଇ ସହ ମିଶି ସ୍ତ୍ରୀ ବବି ଟୁଲୁଙ୍କୁ କାତିରେ ହାଣି ଖଣ୍ଡ ବିଖଣ୍ଡିତ କରିଦେଇଥିଲେ। ନୃଶଂସ ଭାବେ ଡାହାଣ ହାତରୁ ପାପୁଲିକୁ ହାଣି ଅଲଗା କରିଦେଇଛନ୍ତି। ପରିଶେଷରେ ନିରୁପାୟ ହୋଇ ଉଭୟ ବବି ଓ ଜିତୁ ଜଗନ୍ନାଥ ପ୍ରସାଦ ଥାନାରେ ଆତ୍ମ ସମର୍ପଣ କରିଛନ୍ତି। ଜଗନ୍ନାଥପ୍ରସାଦ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ହତ୍ୟାରେ ବ୍ୟବହୃତ କାତିକୁ ମଧ୍ୟ ଜବତ କରିଛି।
Comments are closed.