ନୂଆଦିଲ୍ଲୀ – ବିଭିନ୍ନ ଜନମତ ସର୍ବେକ୍ଷଣରେ ଆସନ୍ତା ସାଧାରଣ ନିର୍ବାଚନରେ ଏନ୍ଡିଏ ମେଣ୍ଟ ଭଲ ପ୍ରଦର୍ଶନ କରିବ ବୋଲି ସୂଚନା ଦିଆଯାଇଛି । ପ୍ରଧାନମନ୍ତ୍ରୀ ମୋଦୀଙ୍କୁ ଏବେ ଅନ୍ୟ ନେତାଙ୍କ ଅପେକ୍ଷା ଦେଶର ଲୋକମାନେ ଅଧିକ ପସନ୍ଦ କରୁଥିବା ସୂଚନା ମିଳିଛି । ତେବେ ମୋଦୀଙ୍କ ପରେ କିଏ ପ୍ରଧାନମନ୍ତ୍ରୀ ହେବେ ବୋଲି ଏବେ ଅନେକ ଲୋକ ଆଶା ଏବଂ ଆଶଙ୍କାରେ । ଏହାକୁ ନେଇ ମୁଡ୍ ଅଫ୍ ଦି ନେସନ୍ ନାମରେ ଏକ ସର୍ଭେ ବା ସର୍ବେକ୍ଷଣ କରାଯାଇଥିଲା । ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଏନ୍ଡିଏ ବେଶ୍ ଭଲ ପ୍ରଦର୍ଶନ କରିବ ବୋଲି ଏଥିରୁ ଜଣା ପଡିଛି ।
ପ୍ରଧାନମନ୍ତ୍ରୀ ମୋଦୀଙ୍କ ଉତ୍ତରାଧିକାରୀ ଭାବେ ହୋଇଥିବା ସର୍ବେକ୍ଷଣରେ ୨୯ ପ୍ରତିଶତ ଲୋକ ଅମିତ ଶାହଙ୍କୁ ପସନ୍ଦ କରିଥିବା ବେଳେ ୨୫ ପ୍ରତିଶତ ଲୋକ ଯୋଗୀ ଆଦିତ୍ୟନାଥଙ୍କୁ ନିଜ ପସନ୍ଦର ନେତା ବୋଲି କହିଛନ୍ତି । ୧୬ ପ୍ରତିଶତ ଲୋକ ନୀତିନ ଗଡକରୀଙ୍କୁ ମୋଦୀଙ୍କୁ ଉତ୍ତରାଧିକାରୀ ଭାବେ ବାଛିଛନ୍ତି ।
ଡିସେମ୍ବର ୧୫ ,୨୦୨୩ ଏବଂ ୨୮ ଜାନୁଆରୀ ୨୦୨୪ରେ ଏହି ସର୍ବେକ୍ଷଣ କରାଯାଇଥିଲା । ଏଥିରେ ୩୫,୮୦୧ ଜଣ ଲୋକ ଅଂଶ ଗ୍ରହଣ କରିଥିଲେ ।
Comments are closed.