ନୂଆଦିଲ୍ଲୀ- ଏନ୍ଡିଏ ସରକାରଙ୍କ ବିରୋଧରେ ବିରୋଧିମାନେ ମିଳିତ ଭାବେ ନିର୍ବାଚନ ଲଢିବା ପାଇଁ ଆଇଏନ୍ଡିଆଇଏ ମେଣ୍ଟ ଗଠନ କରିଥିଲେ । ମାତ୍ର ଦିନକୁ ଦିନ ଗୋଟିଏ ପରେ ଗୋଟି ଦଳ ମେଣ୍ଟରୁ ଓହରିବାରେ ଲାଗିଛନ୍ତି । ବିହାରରେ ନୀତିଶ କୁମାର ପୁଣି ଏନ୍ଡିଏର ହାତ ଥାପୁଡାଇଥିବା ବେଳେ ମମତା ମେଣ୍ଟରୁ ଓହରି ଏକାକି ନିର୍ବାଚନ ଲଢିବେ ବୋଲି କହିଛନ୍ତି ।
ଏବେ ଆମ୍ ଆଦମୀ ଦଳର ସୁପ୍ରିମୋ ଅରବିନ୍ଦ କେଜ୍ରିଓ୍ୱାଲ୍ ତାଙ୍କ ଦଳ ଏକାକୀ ପଞ୍ଜାବର ସମସ୍ତ ଲୋକସଭା ଆସନରୁ ନିର୍ବାଚନ ଲଢିବ ବୋଲି ସୂଚନା ଦେଇଛନ୍ତି । ପଞ୍ଜାବର ୧୩ଟି ଲୋକ ସଭା ଆସନରେ ଆପ୍ ନିଜ ପ୍ରାର୍ଥୀଙ୍କୁ ସୁଯୋଗ ଦେବ ବୋଲି ପ୍ରକାଶ କରିଛି । ଆପ୍, ଆଇଏନ୍ଡିଆଇଏ ମେଣ୍ଟକୁ ସହଯୋଗ କରୁ ନଥିବା ସ୍ପଷ୍ଟ ହୋଇଛି ।
ଖୁବଶୀଘ୍ର ଦଳ ପଞ୍ଜାବର ସମସ୍ତ ଆସନରେ ନିଜ ପ୍ରାର୍ଥୀଙ୍କ ନାମ ଘୋଷଣା କରିବ ବୋଲି ସୂଚନା ମିଳିଛି । ଗତ ବିଧାନସଭା ନିର୍ବାଚନରେ ଆପ୍ ୧୧୭ଟି ଆସନରୁ ୯୨ ଆସନରେ ବିଜୟ ଲାଭ କରିଥିଲା ।
Comments are closed.