ଲଡୁ ଗାଁ- ରାସ୍ତା ନଥିବାରୁ ନାହିଁ ନଥିବା ଅସୁବିଧା । ଆମ୍ବୁଲାନ୍ସ ଆସି ନପାରିବାରୁ ରାସ୍ତା ମଝିରେ ପ୍ରସବ କଲେ ମହିଳା । ସରକାରଙ୍କ ଏତେ ସବୁ ଯୋଜନା ଥାଇ ମଧ୍ୟ ଯନ୍ତ୍ରଣାରେ ଛଟପଟ ହେଉଛନ୍ତି ନୀରିହ ଦୁର୍ଗମ ଅଞ୍ଚଳର ଗର୍ଭବତୀ ମହିଳା। କଳାହାଣ୍ଡି ଜିଲ୍ଲା ଜୟପାଟଣା ବ୍ଲକରେ ବାରମ୍ବାର ଜନନୀ ଯନ୍ତ୍ରଣା ଖବର ପରେ ମଧ୍ୟ ପ୍ରତିକାରର ବ୍ୟବସ୍ଥା ହେଉ ନଥିବା ସ୍ଥାନୀୟ ବାସିନ୍ଦା କହିଛନ୍ତି। ପ୍ରଶାସନର ଆନ୍ତରିକତା ଅଭାବରୁ ଗୋଟିଏ ପରେ ଗୋଟିଏ ଜନନୀ ଯନ୍ତ୍ରଣା ଫର୍ଦ୍ଦ ଯୋଡ଼ିହେଉଛି ।
ପ୍ରସୂତୀ ମହିଳାଙ୍କୁ ଡାକ୍ତରଖାନାକୁ ଖଟିଆ ରେ ବୋହି ଆଣିବା ବେଳେ ଅଧା ବାଟରେ ଜନ୍ମ ହୋଇଛି। ଶୁକ୍ରୀ ଯାନୀ (୩୦) ଙ୍କୁ ପ୍ରସବ ଜନିତ ଯନ୍ତ୍ରଣା ହେବାପରେ ଗାଁ କୁ ଆମ୍ବୁଲାନ୍ସ ଯିବା ସୁବିଧା ନ ଥିବା କାରଣରୁ ପରିବାର ଲୋକେ ଦୀର୍ଘ ୫ କିମି ରାସ୍ତା ଖଟିଆରେ ବୋହି କରି ନେଉଥିଲ ।
ପ୍ରସବ ଯନ୍ତ୍ରଣା ରେ ଛଟପଟ ମହିଳା ଙ୍କୁ ଜୟପାଟଣା ଡାକ୍ତରଖାନା କୁ ଆଣିବା ଅଧା ବାଟରେ ମହିଳା ଏକ ଶିଶୁପୁତ୍ର ଜନ୍ମ ଦେଇଛନ୍ତି । ମା ପୁଅ ସୁରକ୍ଷିତ ଥିବା ବେଳେ ଜନନୀ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏ ନେଇ ଗାଁ ଲୋକେ ଜନନୀ ସୁରକ୍ଷା ଗାଡି କୁ ଖବର ଦେଇଥିଲେ। କିନ୍ତୁ ଗାଁକୁ ରାସ୍ତା ନଥିବାରୁ ୫କିମି ଦୂର ବାଙ୍ଗଟିସାଦ ଗାଁ ପାଖରେ ଅଟକି ରହିଥିଲା । ତେବେ କୌଣସି ଉପାୟ ନପାଇ ଗାଁ ଲୋକଙ୍କ ସହ ଶୁକ୍ରୀ ଙ୍କ ସ୍ୱାମୀ ସୀତାରାମ ଖଟିଆରେ ବୋହି ଆଣୁଥିଲେ। ହେଲେ ଶୁକ୍ରୀଙ୍କ ଅତ୍ୟଧିକ ପ୍ରସବ ପୀଡା ହେବା ପରେ ମଝି ରାସ୍ତାରେ ଏକ ପୁତ୍ର ସନ୍ତାନ ଜନ୍ମ ହୋଇଥିଲା । ଖବର ପାଇ ଧନସୁଲି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ର ନର୍ସିଂ ଅଫିସର ଏନଏମ ଓ ଆଶା କର୍ମୀ ପହଂଚି ମା ପୁଅଙ୍କ ସ୍ୱାସ୍ଥ୍ୟ ପରୀକ୍ଷା କରିଥିବା ବେଳେ ମା ପୁଅ ସୁରକ୍ଷିତ ଥିବା ଜଣାପଡ଼ିଛି । ମା ପୁଅକୁ ଜନନୀ ସୁରକ୍ଷା ଗାଡ଼ିରେ ରେ ନେଇ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରେ ରେ ଭର୍ତି କରାଯାଇଛି।
ଗାଁ ଭଲ ରାସ୍ତା ତୁରନ୍ତ ନିର୍ମାଣ କରିବା ପାଇଁ ଗ୍ରାମବାସୀମାନେ ଦାବି କରିଛନ୍ତି ।
