ଲଣ୍ଡନ: ବ୍ରିଟେନ ସଂସଦ ନିର୍ବାଚନରେ ଲେବର ପାର୍ଟି କ୍ଷମତାକୁ ଆସିଥିବାବେଳେ ଭାରତ ପାଇଁ ଚିନ୍ତାର କାରଣ ହେବାକୁ ଯାଉଛି। କାରଣ ଲେବର ପାର୍ଟି ଭାରତର କାଶ୍ମୀର ପ୍ରସଙ୍ଗକୁ ଗୁରୁତ୍ବ ଦେଇଥାଏ। ଏଥିପାଇଁ ଲେବର ପାର୍ଟି ସରକାର ସହିତ ଭାରତର ସମ୍ପର୍କ ସର୍ବଦା ତିକ୍ତ ହୋଇଥାଏ। କାଶ୍ମୀର ପ୍ରସଙ୍ଗକୁ ଲେବର ପାର୍ଟି ସମାଲୋଚନା କରିବା ସହିତ ଏହି ବିବାଦର ସମାଧାନ ପାଇଁ ତୃତୀୟ ପକ୍ଷର ହସ୍ତକ୍ଷେପକୁ ସମର୍ଥନ କରିଥାଏ। ୨୦୧୯ରେ ଭାରତ ସରକାର କାଶ୍ମୀରରୁ ୩୭୦ ଧାରା ଉଚ୍ଛେଦ କରିବା ବେଳେ ଲେବର ପାର୍ଟି କହିଥିଲା ଯେ କାଶ୍ମୀର ହେଉଛି ଏକ ବିବାଦୀୟ ଅଞ୍ଚଳ। ଜାତିସଂଘ ପ୍ରସ୍ତାବ ଅନୁଯାୟୀ କାଶ୍ମୀରବାସୀ ନିଜର ଭବିଷ୍ୟତ ନିଜେ ସ୍ଥିର କରିବା ଦରକାର। ଲେବର ପାର୍ଟି ନେତା ଜେରେମି କୋରବାଇନ୍ସଙ୍କ ନେତୃତ୍ବରେ ଦଳ ଏକ ଜରୁରୀ ପ୍ରସ୍ତାବ ଆଗତ ପୂର୍ବକ କାଶ୍ମୀରକୁ ଆନ୍ତର୍ଜାତିକ ପର୍ଯ୍ୟବେକ୍ଷକ ପଠାଇବାକୁ ନିଷ୍ପତ୍ତି ନେଇଥିଲେ। ଲେବର ପାର୍ଟିର କାଶ୍ମୀର ସପକ୍ଷବାଦୀ ଆଭିମୁଖ୍ୟ ପାଇଁ ଏହି ଦଳ ଇଂଲଣ୍ଡର ମୁସଲମାନ ବହୁଳ ଅଞ୍ଚଳରେ ଅଧିକ ଆସନ ପାଇବାରେ ସଫଳ ହୋଇଛି।
Comments are closed.