ଆଠଗଡ : ଆଠଗଡ ବିଜେପି ପକ୍ଷରୁ ଏହି ରାସ୍ତା ଦେଇ ଝାରସୁଗୁଡା ନିର୍ବାଚନ ପ୍ରଚାରରେ ଯାଉଥିବା ବିଜେପି ଯୁବମୋର୍ଚ୍ଚା ରାଜ୍ୟସ୍ତରୀୟ ନେତାଙ୍କୁ ସ୍ୱାଗତ କରାଯାଇଥିଲା । ରାଜ୍ୟ ବିଜେପି ଯୁବମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ, ରାଜ୍ୟ ସଂଯୋଜକ ଭକ୍ତବତ୍ସଳ ବସ୍ତିଆ, କଟକ ଜିଲ୍ଲା ସଂପାଦକ ରଞ୍ଜିିତ୍ ଭାଇ ଓ ଯୁବନେତା ରଞ୍ଜନ ମହାନ୍ତି ପ୍ରମୁଖଙ୍କୁ ଆଠଗଡ ବିଜେପି ଏବଂ ଯୁବମୋର୍ଚ୍ଚାର କାର୍ଯ୍ୟକର୍ତ୍ତାମାନେ ଚାନ୍ଦବାଲିଛକ ଠାରେ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିବା ସହ ସେମାନଙ୍କୁ ଗାନ୍ଧିମାର୍ଗସ୍ଥିତ ଦଳୀୟ କାର୍ଯ୍ୟାଳୟକୁ ପାଛୋଟି ନେଇଥିଲେ। ନିକଟରେ ରାଜ୍ୟରେ ଅନ୍ୟାୟ ଅନୀତି ବିରୋଧରେ ସଂଗ୍ରାମ କରି ଏହି ଯୁବନେତାମାନେ ସରକାରଙ୍କର ଆକ୍ରୋଷର ଶିକାର ହୋଇ ୫୩ ଦିନ କାରାବରଣ କରିଥିଲେ। ରାଜ୍ୟ ସଭାପତି ଶ୍ରୀ ଆଚାର୍ଯ୍ୟ ଓ ଅନ୍ୟ ଯୁବମୋର୍ଚ୍ଚା ନେତା ଆଠଗଡରେ ଦଳର ସଂଗଠନକୁ ସୁଦୃଢ କରିବା ଏବଂ ତୃଣମୂଳସ୍ତରରେ ସଂଗଠନକୁ ମଜବୁତ୍ କରିବା ଉପରେ ଗୁରୁତ୍ୱାରୋପ କରିଥିଲେ। ଆଠଗଡ ବିଜେପି ଯୁବମୋର୍ଚ୍ଚା ନେତା ତପନ ଲେଙ୍କା, ବିଚିତ୍ରାନନ୍ଦ ଜେନା, ବରିଷ୍ଠ ନେତା ହେମନ୍ତ କୁମାର ମହାନ୍ତି, ମିଥୁନ ମଲ୍ଲିକ, ସନ୍ତୋଷ ରାଉତ, ନିର୍ମଳ ପତ୍ରି, ହେମମଞ୍ଜରୀ ଭଞ୍ଜଦେଓ, ପ୍ରକାଶ କୁମାର ସେଠୀ, ପ୍ରଦୀପ୍ତ ସାମଲ, ବିବେକାନନ୍ଦ ସାହୁଙ୍କ ସମେତ ଯୁବମୋର୍ଚ୍ଚାର ବହୁ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
Comments are closed.