ବର୍ତ୍ତମାନର ଜୀବନଶୈଳୀ ଓ ଭୁଲ ଖାଦ୍ୟ ପେୟ କାରଣରୁ ଓଜନ ବୃଦ୍ଧି ହୋଇଥାଏ। ଅଧିକାଂଶ ସମୟରେ ମୋଟାପଣ ବହୁ ବଡ ବଡ ରୋଗର କାରଣ ପାଲଟିଥାଏ। ଓଜନ ହ୍ରାସ ପାଇଁ ଅନେକ ଲୋକେ ଭିନ୍ନ ଡାଏଟ ଆପଣାଇବା ସହ କିଛି କିଛି ବ୍ୟାୟାମର ସାହାର। ମଧ୍ୟ ନେଇଥାଆନ୍ତି। ଓଜନ ହ୍ରାସ ପାଇଁ ଆପଣ କିଛି ସହଜ ଉପାୟ ଆପଣାଇ ପାରିବେ। କିଛି ପାନୀୟ ନିଜ ଦୈନନ୍ଦିନ ଜୀବନରେ ସାମିଲ କରି। ଜାଣନ୍ତୁ….
ଓଜନ ହ୍ରାସ ପାଇଁ ଜିରା ପାଣି ଏକ ଉତ୍ତମ ଉପାୟ। ନିୟମିତ ଜିରା ପାଣି ପିଇବା ଦ୍ୱାରା ଓଜନ ହ୍ରାସ ହୋଇଥାଏ।
ରାତିରେ ଏକ ଗ୍ଲାସ ପାଣିରେ ଏକ ଚାମଚ ଜିରା ବତୁରାଇ ଦିଅନ୍ତୁ। ସକାଳେ ଉଠି ଖାଲି ପେଟରେ ଏହି ପାଣି ପିଅନ୍ତୁ। ନିଜେ ଏହାର ଚମତ୍କାରିତା ଅନୁଭବ କରିବେ।
ଅନେକ ଔଷଧ ଗୁଣରେ ଭରପୁର ଧନିଆ ଓଜନ ହ୍ରାସ ପାଇଁ ବେଶ ଉପକାରୀ। ତେଣୁ ଓଜନ ହ୍ରାସ ପାଇଁ ଧନିଆ ପାଣିର ସେବନ କରନ୍ତୁ। ରାତିରେ ଏକ ଗ୍ଲାସ ପାଣିରେ ଧନିଆ ବତୁରାଇ ଦିଅନ୍ତୁ। ସକାଳେ ଉଠି ଖାଲି ପେଟରେ ଏହାକୁ ପିଅନ୍ତୁ। ଏକ ସପ୍ତାହ ମଧ୍ୟରେ ଧିରେ ଧିରେ ଓଜନ ହ୍ରାସ ହୋଇଥାଏ।
ଓଜନ ହ୍ରାସ ପାଇଁ ଘିକୁଆରୀ ଓ ଅଁଳା ଜୁସ ଖୁବ ଉପକାରୀ। ସକାଳେ ଖାଲିପେଟରେ ଏକ ଗ୍ଲାସ ପାଣିରେ ଏକ ଚାମଚ ଘିକୁଆରୀ ଓ ଏକ ଚାମଚ ଅଁଳା ଜୁସ ମିଶାଇ ପିଅନ୍ତୁ। ଏହା ବେଶ ଲାଭଦାୟକ।
Comments are closed.