ଭୁବନେଶ୍ୱର : କଳିଙ୍ଗ ଷ୍ଟାଡିୟମରେ ଚାଲିଥିବା ପୁରୁଷ ହକି ବିଶ୍ୱକପରେ ଭାରତ କ୍ବାର୍ଟର ଫାଇନାଲରେ ପ୍ରବେଶ କରିଛି। ୫-୧ ଗୋଲ ବ୍ୟବଧାନରେ କାନାଡାକୁ ପରାସ୍ତ କରି ଭାରତ ଚମତ୍କାର ବିଜୟ ହାସଲ କରିଛି। ଏହି ବିଜୟ ସହିତ ଭାରତ ସିଧାସଳଖ ଟୁର୍ଣ୍ଣାମେଣ୍ଟର କ୍ୱାର୍ଟର ଫାଇନାଲାରେ ପ୍ରବେଶ କରିଛି। ଲଳିତ ଉପାଧ୍ୟାୟ ୨ଟି ଗୋଲ ସ୍କୋର କରିଥିବା ବେଳେ ଦଳରେ ସ୍ଥାନ ପାଇଥିବା ଓଡ଼ିଆ ଖେଳାଳୀ ଅମିତ ରୋହିଦାସ ମ୍ୟାନ ଅଫ ଦ ମ୍ୟାଚ ବିବେଚିତ ହୋଇଛନ୍ତି। ସେ ମଧ୍ୟ ଗୋଟିଏ ଗୋଲ ଦେଇଛନ୍ତି।
ଭାରତ ପକ୍ଷରୁ ଲଳିତ ଉପାଧ୍ୟାୟ (୪୭ ମିନିଟ୍ ଓ ୫୭ ମିନିଟ୍)ରେ ଗୋଲ୍ ସ୍କୋର କରିଥିଲେ। ଏହି ପରି ହରମନପ୍ରୀତ(୧୨ମ), ଚିଙ୍ଗଲସେନ(୪୬ମ) ଓ ଅମିତ୍ ରୋହିଦାସ୍(୫୧ମ) ରେ ଗୋଲ୍ ସ୍କୋର କରିଥିଲେ। l ତେବେ କାନାଡା ପକ୍ଷରୁ ଫ୍ଲୋରିସ୍ ଭାନ ସନ(୩୯ମ)ରେ ଏକ ମାତ୍ର ଗୋଲ୍ ଦେଇଥିଲେ।
- Advertisement -
ଅପରାହ୍ନରେ ପୁଲ୍-ସିର ଅନ୍ୟ ଏକ ମ୍ୟାଚରେ ବେଲ୍ଜିୟମ୍-ଦକ୍ଷିଣ ଆଫ୍ରିକାକୁ ୫-୧ ଗୋଲରେ ପରାସ୍ତ କରିଛି।
