ଗୋଟିଏ ଘାଟରେ ଭାଲୁ-ମଣିଷ

ନୀଳଗିରି: ନୀଳଗିରି ବ୍ଲକର ଗରଡିହି ପଞ୍ଚାୟତ ଅଧୀନ ଆମ୍ବଝର ନିକଟ ଡାଙ୍ଗରସାହିର ଲୋକେ ଜଳଯନ୍ତ୍ରଣା ଭୋଗୁଛନ୍ତି। ଗାଁରେ ଆଦୌ ନଳକୂପ ନଥିବାରୁ ଲୋକେ ଚୁଆପାଣି ପିଇ ଜୀବନ ବଞ୍ଚାଉଛନ୍ତି। ଏହି ଗାଁଟି କୁଲଡିହା ଅଭୟାରଣ୍ୟର ପାଦଦେଶରେ ହୋଇଥିବାରୁ ଦିନରେ ମଣିଷ ଉକ୍ତ ଚୁଆପାଣିକୁ ବ୍ୟବହାର କରୁଛି। ହେଲେ ରାତିରେ ହାତୀ, ଭାଲୁ, ଶୃଗାଳ ଭଳି ବନ୍ୟଜନ୍ତୁ ଏହି ଚୁଆପାଣି ପିଉଛନ୍ତି। ପାଣି ଦୂଷିତ ହୋଇଥିବାରୁ ଜରୁରୀକାଳୀନ ଭିତ୍ତିରେ ଏଠାରେ ନଳକୂପର ଆବଶ୍ୟକତା ରହିଛି।