ନୂଆଦିଲ୍ଲୀ : ରୋଷେଇ ଘରେ କାମ କରୁଥିବା ସମୟରେ ଅନେକ ସମୟରେ ଏପରି ଘଟଣା ଘଟିଥାଏ, ଯାହାକୁ ଦେଖି ଭୟ ଲାଗି ଥାଏ। ନିକଟରେ ଏଭଳି ହିଁ ଏକ ଭିଡିଓ ଭାଇରାଲ ହେଉଛି।
ଭିଡିଓରେ ଦେଖିପାରିବେ, ଜଣେ ମହିଳା ରୋଷେଇ ଘରେ ବାସନ ସଫା କରୁଛନ୍ତି। ମାତ୍ର ସେହି ସମୟରେ ନିକଟରେ ଥିବା ଏକ ସିଲିଣ୍ଡର ହଠାତ୍ ବିସ୍ଫୋରଣ ହେଉଥିବା ଦେଖାଯାଉଛି। ସୌଭାଗ୍ୟବଶତଃ ତାଙ୍କ ଜୀବନ ବଞ୍ଚି ଯାଇଛି। ମାତ୍ର ଭିଡିଓରେ ଦେଖିପାରିବେ, ମହିଳା ଜଣକ ଖୁବ୍ ଭୟଭୀତ ହୋଇଛନ୍ତି।
LPG cylinder explodes in the kitchen #wtf pic.twitter.com/XoaWFvabpj
— Klip Entertainment (@klip_ent) June 8, 2024
ସୋସିଆଲ ମିଡିଆ ଏକ୍ସରେ ଏହି ଲୋମଟାଙ୍କୁରା ଭିଡିଓ ଶେୟାର କରାଯାଇଛି। ୨୮ ସେକେଣ୍ଡର ଏହି ଭିଡିଓ ଦେଖି ଖୁବ୍ ଭୟ ଲାଗୁଥିବା ବିଭିନ୍ନ ସୋସିଆଲ ମିଡିଆ ବ୍ୟବହାରକାରୀ ମତ ପ୍ରକାଶ କରିଛନ୍ତି। ଭିଡିଓରେ ଦେଖାଯାଉଛି ସିଲିଣ୍ଡର ଫାଟିବା ପରେ ମହିଳା ଜଣକ ଭୂମି ଉପରେ ପଡି ଯାଉଛନ୍ତି। ବିସ୍ଫୋରଣ ପରେ ରୋଷେଇ ଘରେ ଥିବା ସାମଗ୍ରୀ ମଧ୍ୟ ତଳେ ଏଣେତେଣେ ପଡୁଛି। ମହିଳା ଜଣକ ଜୋରରେ ପାଟି କରିବା ସହ ସେଠାରୁ ପଳାଉଛନ୍ତି।
ସମ୍ପୂର୍ଣ୍ଣ ଘଟଣା ଘରେ ଲାଗିଥିବା ସିସିଟିଭିରେ ରେକର୍ଡ ହୋଇଛି। ଏହି ଘଟଣା କେଉଁ ସ୍ଥାନର ତାହାର ସ୍ପଷ୍ଟତା ମିଳି ନାହିଁ।
ରାତି ସାରା ଏସିରେ ଶୋଇବା ଶରୀର ପାଇଁ ବିପଦ ; ଦେଖାଦେବ ୫ଟି ମୁଖ୍ୟ ସମସ୍ୟା..
