ସମାଜ ଡିଜିଟାଲ ଡେସ୍କ: ବଳି ପଡିବା ପୂର୍ବରୁ ମାଲିକକୁ ଧରି କାନ୍ଦି ପକାଉଛି ଛେଳି । ମାଲିକକୁ ଜୋରରେ କୁଣ୍ଢେଇ ବିନତୀ କରୁଥିଲା ଛେଳି । ମାଲିକ ମଧ୍ୟ ଛେଳିକୁ ଧରି କାନ୍ଦିବା ସହ ଶେଷ ବିଦାୟ ଦେଇଛନ୍ତି । ଏହି ଭିଡ଼ିଓଟି ହୃଦୟକୁ ଛୁଇଁବା ସହ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଭିଡ଼ିଓଟି କେବଳ ଏକ ମୂକ ପ୍ରାଣୀ ଏବଂ ମଣିଷ ମଧ୍ୟରେ ଥିବା ସମ୍ପର୍କକୁ ଦର୍ଶାଉ ନାହିଁ । ବରଂ ଭାବପ୍ରବଣ ବନ୍ଧନକୁ ମଧ୍ୟ ଦର୍ଶାଇଛି । ଯାହାକୁ ଶଦ୍ଦରେ ପ୍ରକାଶ କରିବା କଷ୍ଟକର ।
ଏହି ଭିଡ଼ିଓଟି ବକ୍ରି ଇଦ୍ ଅବସରର ବୋଲି ଜଣାପଡିଛି । ସେହି ଦିନ ବଳିଦାନ ପୂର୍ବରୁ ଏକ ଛେଳି ତା’ର ମାଲିକଙ୍କୁ ଏପରି ଭାବରେ ଆଲିଙ୍ଗନ କରି କାନ୍ଦିଥିଲା ଯେ ଦେଖଣାହାରୀଙ୍କ ପାଟିରୁ ଶଦ୍ଦ ବାହାରିନଥିଲା । ବଳି ପାଇଁ ଯାଉଥିବା ଛେଳିଟି ହୁଏତ ତା’ର ଭାଗ୍ୟ ଏପରି ବୋଲି ବୁଝିସାରିଛି । ଏବଂ ମାଲିକକୁ ଶେଷ ଥର ପାଇଁ ବିଦାୟ ଦେଉଥିବାରୁ ଏପରି କାନ୍ଦୁଛି । ପାଖରେ ଥିବା ଏକ ପିଲାଟି ମଧ୍ୟ ଏହା ଦେଖି କାନ୍ଦିବାରେ ଲାଗିଛି । ସେହି ସମୟରେ ମାଲିକ ମଧ୍ୟ କାନ୍ଦିବା ସହ ଛେଳିକୁ ବିଦାୟ ଦେଉଛି । ସାମଗ୍ରିକ ଭାବରେ ଏହି ଦୃଶ୍ୟ ଏତେ ମର୍ମସ୍ପର୍ଶୀ ଯେ ଯିଏ ଏହାକୁ ଦେଖିଛି ସେ ଭାବପ୍ରବଣ ହୋଇଗଲା ।
View on Threads
Comments are closed.