୧୦ ଲକ୍ଷ ଟଙ୍କା ଲାଞ୍ଚ ନେବା ମାମଲା : ଭିଜିଲାନ୍ସ ଇନିସ୍ପେକ୍ଟର ମାନସୀ ଜେନା ଓ ସହଯୋଗୀ ମୁକେଶ ସାହୁ ଗିରଫ

ସମ୍ବଲପୁର – ସମ୍ବଲପୁର ଭିଜିଲାନ୍ସ ମଣ୍ଡଳରେ କାର୍ଯ୍ୟରତ ଇନିସ୍ପକ୍ଟେର ମାନସୀ ଜେନା ତାଙ୍କ ଜଣେ ସହଯୋଗୀ ମୁକେଶ ସାହୁ ଙ୍କ ଜରିଆରେ ୧୦ ଲକ୍ଷ ଟଙ୍କା ଲାଞ୍ଚ ନେଉଥିବା ଘଟଣାରେ ବିଭାଗ ତାଙ୍କୁ ଶନିବାର ଗିରଫ କରି ଚାଲାଣ କରିଛି । ଏ ସର୍ମ୍ପକରେ ଭିଜିଲାନ୍ସ ଏସପି କଟକ ଏମ. ରାଧାକୃଷ୍ଣ କହିଛନ୍ତି ଯେ, ଗତକାଲି ଇନିସ୍ପକ୍ଟେର ମାନସୀ ଜେନା ଙ୍କ ଗତକାଲି ତାଙ୍କର ସାଥି ମୁକେଶ ସାହୁ ଙ୍କ ଜଣେ ସରକାରୀ କର୍ମଚାରୀ ଙ୍କ ଠାରୁ ୧୦ ଲକ୍ଷ ଟଙ୍କା ଲାଞ୍ଚ ଦାବି କରି ନେଇଛନ୍ତି । ଏଣୁ ସେମାନଙ୍କୁ ଧରାଯାଇ ଗିରଫ କରାଯାଇଛି । ଆଜି ସେମାନଙ୍କୁ ଅଦାଲତକୁ ଚାଲାଣ କରାଯାଇଛି । ଏହି ମାମଲାରେ ଇନିସ୍ପକ୍ଟେର ଏକୁଟିଆ ଲାଞ୍ଚ ନେଉଥିଲେ କି ଅନ୍ୟ କୌଣସି କର୍ମଚାରୀ ମଧ୍ୟ ସାମିଲ ରହିଛନ୍ତି, ମୁକେଶ ସାହୁ ଙ୍କ ସହିତ ତାଙ୍କର କି ସର୍ମ୍ପକ, ଏହି ମାମଲା ବ୍ୟତିତ ଅନ୍ୟ କାହା ଠାରୁ ଲାଞ୍ଚ ନେଇଛନ୍ତି କି ନାହିଁ ଇତ୍ୟାଦି ବିଭିନ୍ନ ବିଷୟକୁ ନେଇ ବିଭାଗ ପକ୍ଷରୁ ତଦନ୍ତ ଆରମ୍ଭ କରାଯାଇଛି । ତଦନ୍ତ ଅଗ୍ରଗତି ପରେ ସମସ୍ତ ବିଷୟ ସ୍ପଷ୍ଟ ହେବ ବୋଲି ଏସପି ରାଧାକୃଷ୍ଣ କହିଛନ୍ତି ।

ସୂଚନାଯୋଗ୍ୟ ଯେ, ଇନିସ୍ପକ୍ଟେର ମାନସୀ ଜେନା ଜଣେ ସରକାରୀ କର୍ମଚାରୀ ଙ୍କ ବିରୋଧରେ ଥିବା ଭିଜିଲାନ୍ସ ମାମଲାର ତଦନ୍ତର ଇନଚାର୍ଜ ରହିଥିଲେ । ଉକ୍ତ ମାମଲାକୁ ରଫାଦଫା କରିବା ପାଇଁ ଇନିସ୍ପକ୍ଟେର ଜେନା ତାଙ୍କର ସାଥି ମୁକେଶ ସାହୁ ଙ୍କ ଜରିଆରେ ୧୦ ଲକ୍ଷ ଟଙ୍କା ଲାଞ୍ଚ ଦାବି କରିବା ପରେ ତାକୁ ଗତକାଲି ବରଗଡ ଠାରେ ନେଇଥିଲେ । ସେହି ସମୟରେ ଭିଜିଲାନ୍ସର ଆନ୍ତରିକ ୟୁନିଟ ସ୍ୱତନ୍ତ୍ର ଜାଲ ବିଛାଇ ତାଙ୍କୁ ଓ ସାଥି ଙ୍କୁ ଧରିଥିଲେ । ଏଣୁ ଭିଜିଲାନ୍ସ ମାମଲା ସଂଖ୍ୟା ୫/୨୦୨୨ ରୁଜୁ କରାଯାଇ ଉଭୟ ଅଭିଯୁକ୍ତ ଙ୍କୁ ଗିରଫ କରାଯାଇଥିଲା । ଏହା ପରେ ମାନସୀ ଜେନା ଙ୍କ ସମ୍ବଲପୁର ସ୍ଥିତ ସରକାରୀ ବାସଭବନ, ସୁନ୍ଦରଗଡ, ଭୁବନେଶ୍ୱର ସ୍ଥିତ ବାସଭବନ ଏବଂ ବରଗଡ ସ୍ଥିତ ମୁକେଶ ସାହୁ ଙ୍କ ବାସଭବନରେ ଚଢ଼ଉ କରାଯାଇଥିଲା । ଏହି ମାମଲାରେ ଜରିଆରେ ଲାଞ୍ଚ ନେବା ସମୟରେ ଧରାଯାଇଥିଲା । ଅପରପକ୍ଷରେ ଭିଜିଲାନ୍ସ ବିଭାଗ କୌଣସି ସ୍ଥାନରେ ଚଢ଼ଉର ୨୪ ଘଣ୍ଟା ପରେ ଚଢ଼ଉର ବିସ୍ତୃତ ବିବରଣୀ ପ୍ରକାଶ କରୁଥିବା ବେଳେ କିନ୍ତୁ ଏହି ମାମଲାରେ ତଦନ୍ତ ଚାଲିଛି ବୋଲି ସମସ୍ତ ବିଷୟକୁ ଏଡାଇ ଯାଉଥିବାର ପରିଲକ୍ଷିତ ହେଉଛି । ଘଟଣାଟି ବିଭାଗୀୟ ଅଧିକାରୀ ଙ୍କ ସହିତ ସଂପୃକ୍ତ ଥିବା ବେଳେ ଏହି ମାମଲା ସହିତ ସଂପୃକ୍ତ ଅନେକ ପ୍ରଶ୍ନର ଉତ୍ତର ଦେବାକୁ ଭିଜିଲାନ୍ସ ବିଭାଗ ଟାଳଟୁଳ ନୀତି ଅବଲମ୍ବନ କରୁଥିବାର ଦେଖାଯାଉଛି ।