ଭିଜିଲାନ୍ସ ଜାଲରେ କମାଣ୍ଡାଣ୍ଟ, ଜବତ ହେଲା ୧୦ ଲକ୍ଷରୁ ଉର୍ଦ୍ଧ୍ବ ଟଙ୍କା

ଢେଙ୍କାନାଳ: ଭିଜିଲାନ୍ସ ଜାଲରେ ଓଏସଏପି ପ୍ରଥମ ବାଟାଲିଅନ କମାଣ୍ଡାଣ୍ଟ। ଗାଡ଼ିରେ ୧.୩୧ ଲକ୍ଷ ଟଙ୍କା ନେଇ ଭୁବନେଶ୍ବର ଯାଇଥିଲାବେଳେ ପ୍ରଥମ ବାଟାଲିଅନ କମାଣ୍ଡାଣ୍ଟ ସୁନୀଲ ବେହେରାଙ୍କୁ ଧରିଲା ଭିଜିଲାନ୍ସ। ହିସାବ ଦେଇ ନ ପାରିବାରୁ ସୁନୀଲଙ୍କ କଟକସ୍ଥିତ ବାସଭବନରେ ଚଢ଼ାଉ ହୋଇଥିଲା। କଟକ ବାସଭବନରେ ଯାଞ୍ଚବେଳେ ଆଉ ୮ଲକ୍ଷ ୭୦ହଜାର ଜବତ ହୋଇଥିଲା। ଗାଡ଼ିରୁ ଜବତ ଓ କଟକ ବାସଭବନରୁ ଚଢ଼ାଉବେଳେ ଜବତ ମୋଟ ୧୦ଲକ୍ଷରୁ ଊର୍ଦ୍ଧ୍ବ ଟଙ୍କା ଜବତ ପରେ ୫ଟି ସ୍ଥାନରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ଢେଙ୍କାନାଳ, କଟକ, ଭୁବନେଶ୍ବର ଓ ପୁରୀସ୍ଥିତ ଘରେ ଚଢ଼ାଉ ଜାରି ରହିଥିବା ସୂଚନା ମିଳିଛି।