ଭୁବନେଶ୍ୱର : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିେଯାଗରେ ଦୁର୍ନୀତି ନିବାରଣ ବିଭାଗ ନୟାଗଡ ସହକାରୀ ଯୋଗାଣ ଅଧିକାରୀ ଜୟନ୍ତ କୁମାର ଦାସଙ୍କୁ ଗିରଫ କରିଛି। ଅଦାଲତରେ ତାଙ୍କ ଜାମିନ ଆବେଦନ ଖାରଜ ହେବା ପରେ ତାଙ୍କୁ ଆସନ୍ତା ୧୮ ତାରିଖ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ପ୍ରକାଶ ଯେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିେଯାଗରେ ଶନିବାର ଶ୍ରୀ ଦାସଙ୍କ କାର୍ଯ୍ୟାଳୟ ସମେତ ଏକକାଳୀନ ୫ଟି ସ୍ଥାନରେ ଦୁର୍ନୀତି ନିବାରଣ ବିଭାଗ ପକ୍ଷରୁ ଚଢଉ କରାଯାଇଥିଲା। ଚଢଉ ବେଳେ ନୟାଗଡ ଲେଙ୍କୁଡିପଡାରେ ୪ମହଲା କୋଠା, ଓଡଗାଁରେ ଦୁଇଟି ୨ ମହଲା କୋଠା, ନୟାଗଡରେ ୮ଟି ଓ ଭୁବନେଶ୍ବରରେ ଗୋଟିଏ ବାସପଯୋଗୀ ଜମି ଠାବ ହୋଇଥିଲା । ସେହିପରି ଶ୍ରୀ ଦାସଙ୍କର ଗୋଟିଏ ୪ଚକିଆ ଓ ତିନୋଟି ୨ ଚକିଆ ଯାନ ଥିବା ବେଳେ ବ୍ୟାଙ୍କ ଓ ଡାକଘରେ ୯.୩୦ଲକ୍ଷ ଟଙ୍କାର ଜମା, ବୀମାରେ ୮.୬୪ ଲକ୍ଷ ନିେବଶ କରିଥିବା ଜଣାପଡିଛି । ୪.୯୨ ଲକ୍ଷ ଟଙ୍କା ମୂଲ୍ୟର ସୁନା ଓ ରୂପା ଗହଣା, ନଗଦ ୨,୭୪,୦୭୫ଟଙ୍କା ଜବତ ହୋଇଥିଲା । ଶ୍ରୀ ଦାସଙ୍କ ସମସ୍ତ ସ୍ଥାବର ଓ ଅସ୍ଥାବର ସମ୍ପତ୍ତିର ମୂଲ୍ୟ ୨.୩୧କୋଟି ଟଙ୍କା ଆକଳନ କରାଯାଇଥିଲା। ତେବେ ଚଢଉ ପ୍ରକ୍ରିୟା ଶେଷ ହେବା ପରେ ଶ୍ରୀ ଦାସଙ୍କର ୧ କୋଟି ୬୦ଲକ୍ଷ ୧୬ ହଜାର ୨୧୬ଟଙ୍କାର ଆୟ ବହିର୍ଭୂତ ସମ୍ପତ୍ତି ଥିବା ଜଣାପଡିଛି, ଯାହାକି ତାଙ୍କ ମୋଟ ଆୟଠାରୁ ୧୩୭ ପ୍ରତିଶତ ଅଧିକ ବୋଲି ଦୁର୍ନୀତି ନିବାରଣ ବିଭାଗ ପକ୍ଷରୁ ସୂଚନା ଦିଆଯାଇଛି।
