ବେଗୁସରାଇ – ବିହାରର ବେଗୁସରାଇରେ ଅଜବ କାଣ୍ଡ । ଜଣେ ପଶୁ ଡାକ୍ତରଙ୍କୁ ଘରେ ଥିବା ଗୃହପାଳିତ ପଶୁର ଦେହ ଖରାପ ଅଛି କହି ଡକାଇଥିଲେ । ଏହାପରେ ତାଙ୍କୁ ଜବରଦସ୍ତ ଏକ ଝିଅ ସହ ବିବାହ କରି ଦେଇଥିବା ଅଭିଯୋଗ ହୋଇଛି । ପଶୁଡାକ୍ତର ଘଟଣାସ୍ଥଳରେ ପହଞ୍ଚିବା ପରେ ତାଙ୍କର ଅପହରଣ କରି ନିଆଯାଇଥିଲା ।
ଏହାପରେ ମୁକଟ ପିନ୍ଧାଇ ବର ଦେଶ କରି ଜବରଦସ୍ତ ବେଦୀ ବସାଇ ଦିଆଯାଇଥିଲା। ପରେ ଏକ କନ୍ୟ ସହ ତାଙ୍କର ବିହା କରାଯାଇଥିଲା। ଦିନ ୧୨ଟା ସମୟରେ ପଶୁ ଚିକିତ୍ସକ ଘରୁ ପଶୁ ଚିକିତ୍ସା ପାଇଁ ବାହାରି ଥିଲେ । ମାତ୍ର ରାତି ଯାଏଁ ଘରକୁ ଫେରି ନଥିଲେ । ପରେ ତାଙ୍କ ପରିବାର ଲୋକ ପୁଲିସରେ ଅଭିଯୋଗ କରିଥିଲେ ।
ବିହାରରେ ଏପରି ବିବାହ ପ୍ରଚଳିତ ଅଛି । ଏହାକୁ ପକଡଓ୍ୱା ବିବାହ କୁହାଯାଏ । ବିବାହ କରି ସେହି ସ୍ଥାନରୁ ଆସିବା ପରେ ପଶୁ ଡାକ୍ତର ଫୁଲିସରେ ଅଭିଯୋଗ କରିଛନ୍ତି । ଏହାର ତଦନ୍ତ ନିର୍ଦେଶ ଦିଆଯାଇଥିବା ବେଗୁସାରଇର ଏସ୍ପି ଯୋଗେନ୍ଦ୍ର କୁମାର ସୂଚନା ଦେଇଛନ୍ତି । ୨୦୧୭ ମସିହାରେ ବୋକାର ଷ୍ଟିଲ୍ ପ୍ଲାଣ୍ଟର ଜଣେ ଯୁବ ଇଂଜିନିୟରଙ୍କୁ ବି ଏହିପରି ଅପହରଣ କରାଯାଇ ଜବରଦସ୍ତ ବିବାହ କରାଯାଇଥିବାର ଭିଡିଓ ବିଭିନ୍ନ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା ।
Comments are closed.