ଚମୋଲୀ : ଉତ୍ତରାଖଣ୍ଡର ଚମୋଲୀରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଗଭୀର ଖାଇକୁ ଏକ କାର୍ ଖସି ପଡିବାରୁ ୫ ଜଣଙ୍କ ଜୀବନ ଚାଲି ଯାଇଛି। ଖରାପ ପାଗ କାରଣରୁ ଦୁର୍ଘଟଣା ବିଷୟରେ ପୁଲିସ ଓ ପ୍ରଶାସନ ନିକଟରେ ବିଳମ୍ବରେ ଖବର ପହଞ୍ଚିଥିବା ଜଣାପଡିଛି । ପ୍ରବଳ ଝଡ ବର୍ଷା ହେଉଥିବା ସମୟରେ ପୁଲିସ ଓ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ। ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ଧାମୀ ଗଭୀର ଶୋକ ପ୍ରକାଶ କରିଛନ୍ତି।
ମିଳିଥିବା ସୂଚନାନୁଯାୟୀ, ଏହି ଦୁର୍ଘଟଣା ବିରହୀ-ନିଜମୁଲା ମୋଟର ମାର୍ଗରେ ହୋଇଥିଲା। ଗାଁ ନିକଟରେ କାର୍ଟି ଏକ ଖାଇକୁ ଅନିୟନ୍ତ୍ରିତ ହୋଇ ଖସି ପଡିଥିଲା। ଖବର ପାଇ ଚମୋଲୀ ଥାନା ପୁଲିସ ଓ ଉଦ୍ଧାରକାରୀ ଦଳ ପହଞ୍ଚି ପ୍ରବଳ ବର୍ଷାରେ ଅନେକ ସମସ୍ୟାରେ ଉଦ୍ଧାର କରିଥିଲେ। କାର୍ରେ ଯାତ୍ରା କରୁଥିବା ସମସ୍ତ ଯାତ୍ରୀ ନିଜମୁଲା କ୍ଷେତ୍ରରୁ ବିବାହ ଆୟୋଜନରେ ଯୋଗ ଦେଇ ଫେରୁଥିଲେ।
- Advertisement -
