ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟର ଓଡ଼ିଆ ଭାଷା ଓ ସାହିତ୍ୟ ବିଭାଗ ପକ୍ଷରୁ ‘କବି ବିଦ୍ୟୁତପ୍ରଭା ସ୍କାରକୀ ପୁରସ୍କାର ବିତରଣ ସମାରୋହ’ ଅନୁଷ୍ଠିତ ହୋଇଯାଇଛି। ଏହି ଅବସରରେ ଓଡ଼ିଆ ଭାଷା ଓ ସାହିତ୍ୟ ବିଭାଗର ସ୍ୱର୍ଣ୍ଣପଦକ ବିଜୟୀ କୃତୀ ଛାତ୍ରୀ ସୀମା ସ୍ୱାଇଁ, ଲକ୍ଷ୍ମୀପ୍ରିୟା କୁଣ୍ଡୁ ଓ ସ୍ୱାଗତିକା ଜେନାଙ୍କୁ ଅର୍ଥରାଶି ସହ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା।
କୁଳପତି ପ୍ରଫେସର ସବିତା ଆଚାର୍ଯ୍ୟଙ୍କ ପୌରହିତ୍ୟରେ ଅନୁଷ୍ଠିତ ଏହି ସମାରୋହରେ କେନ୍ଦ୍ର ସାହିତ୍ୟ ଏକାହେମୀ ପୁରସ୍କାରପ୍ରାପ୍ତ ପ୍ରଫେସର ଶକୁନ୍ତଳା ବଳିଆରସିଂ ମୁଖ୍ୟଅତିଥି ଭାବେ ଯୋଗଦେଇ ‘ନାରୀ ଜୀବନର ମହତ୍ୱ’ ସମ୍ପର୍କରେ ବକ୍ତବ୍ୟ ରଖିଥିଲେ। ଏଥିରେ ସମ୍ମାନିତ ଅତିଥି ଭାବେ ପ୍ରଫେସର ସଚ୍ଚିଦାନନ୍ଦ ମହାନ୍ତି ଯୋଗଦେଇ କବି ବିଦ୍ୟୁତପ୍ରଭା ଦେବୀଙ୍କ ଅନାଲୋଚିତ ପ୍ରତିଭା ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମରେ ପ୍ରଫେସର ମହାନ୍ତି ପ୍ରଦାନ ସହ ଛାତ୍ରଛାତ୍ରୀଙ୍କୁ ନାରୀ ପ୍ରତିଭା ସମ୍ପର୍କରେ ଗବେଷଣା କରିବା ପାଇଁ କବି ମାୟାଧର ମାନସିଂହ ଏବଂ ରାଜା ଆଠମଲ୍ଲିକଙ୍କ ପ୍ରେରିତପତ୍ର, ହସ୍ତାକ୍ଷର ଓ ଶବ୍ଦାର୍ଥ ଖାତା କୁଳପତି ପ୍ରଫେସର ସବିତା ଆଚାର୍ଯ୍ୟଙ୍କ ଉପସ୍ଥିତିରେ ଓଡ଼ିଆ ଭାଷା ଓ ସାହିତ୍ୟ ବିଭାଗକୁ ପ୍ରଦାନ କରିଥିଲେ। ରମାଦେବୀ ମହିଳା ବିଶ୍ୱବିଦ୍ୟାଳୟର ଓଡ଼ିଆ ବିଭାଗର ମୁଖ୍ୟ ଡ.ସଂଘମିତ୍ରା ଭଞ୍ଜ ଯୋଗଦେଇ ପ୍ରବନ୍ଧପାଠ କରିଥିଲେ।
ଓଡ଼ିଆ ଭାଷା ଓ ସାହିତ୍ୟ ବିଭାଗ ସଂଯୋଜକ ଡ.ରମେଶଚନ୍ଦ୍ର ମଲ୍ଲିକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହ ିକାର୍ଯ୍ୟକ୍ରମରେ ସହକାରୀ ପ୍ରଫେସର ଆନ୍ପା ମାର୍ଣ୍ଡି ଧନ୍ୟବାଦ ଅର୍ପଣ କରିଥିଲେ।
