ସୁରକ୍ଷାକର୍ମୀଙ୍କ ଆଖିରେ ଧୂଳି ଦେଇ ଜେଲ୍ ଛାତରେ ଥିବା ସିଲିଂ କଣା କରି ଖସିଗଲେ ୩ ଜଣ ଭୟଙ୍କର ଅପରାଧୀ
ନ୍ୟୁୟର୍କ- ଆମେରିକାର ମିସୋରୀରେ ଥିବା ଏକ ଜେଲ୍ରୁ ତିନିଜଣ ଭୟଙ୍କର ଅପରାଧୀ ଜେଲ୍ର ଛାତ ସିଲିଂ କଣା କରି ଖସିଯାଇଥିବା ସୂଚନା ମିଳିଛି । ଏମାନେ ସିଲିଂ କଣା କରିବା ପରେ ଛାତ ଏବଂ ସିଲିଂ ମଧ୍ୟରେ ଥିବା ଫାଙ୍କା ସ୍ଥାନରେ ଗୁରୁଣ୍ଡି ଗୁରୁଣ୍ଡି ଏକ ମେଣ୍ଟେନା୍ସ୍ ଦ୍ୱାର ନିକଟକୁ ଚାଲିଯାଇଥିଲେ । ସେଠାରୁ ସେମାନେ କୌଣସି ଗାଡି ସହାୟତାରେ ଜେଲ୍ରୁ ଖସିଯାଇଥିବା ଅନୁମାନ କରାଯାଉଛି ।
ଏମାନଙ୍କ ମଧ୍ୟରୁ ଦୁଇ ଜଣ ଦୁର୍ଦ୍ଦାନ୍ତ ନିଶା ଏବଂ ବେଇଆଇନ ଅସ୍ତ୍ର ଶସ୍ତ୍ର କାରବାର କରିବା ଅଭିଯୋଗରେ ଗିରଫ ହୋଇଥିବା ବେଳେ ଅନ୍ୟ ଜଣେ ଚୋରି ଅଭିଯୋଗରେ ଗିରଫ ହୋଇଥିଲା ।
ଜେଲ୍ରୁ ଫେରାର ହୋଇଯାଇଥିବା ଅପରାଧୀମାନେ ହେଲେ ଲାନ୍ସ ଷ୍ଟିଫେନ୍ ,ମାଥ୍ୟୁ କ୍ରାଓଫର୍ଡ , ଖ୍ରିଷ୍ଟୋଫର ବେଲଭିନସ୍ ଏମାନେ ସମସ୍ତେ ମିସୋରୀର କାସଭିଲେରେ ଥିବା ବେରୀ କାଉଣ୍ଟି ଜେଲ୍ରେ ଥିଲେ । ଏମାନେ କେମିତି ସମସ୍ତଙ୍କ ଆଖିରେ ଧୂଳି ଦେଇ ଖସିଗଲେ ତାହାର ତଦନ୍ତ ଚାଲିଛି ।
Comments are closed.