ୱାଶିଂଟନ : ଆମେରିକା ରାଷ୍ଟ୍ରପତି ଜୋ ବାଇଡେନ ବିମାନର ସିଡି ଚଢିବା ବେଳେ ପଡିଯାଇଛନ୍ତି। ବାଇଡେନ ପଡିଯିବାର ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହୋଇଛି। ରିପୋର୍ଟ ଅନୁଯାୟୀ ମଙ୍ଗଳବାର ବାଇଡେନ ପୋଲାଣ୍ଡରୁ ସ୍ବଦେଶ ଫେରିବା ଲାଗି ନିଜ ବିମାନ (ଏୟାରଫୋର୍ସ ୱାନ)ରେ ଯାତ୍ରା କରିବା ଲାଗି ସିଡି ଚଢୁଥିବାବେଳେ ଅଧାରେ ପଡିଯାଇଥିଲେ। ବିମାନକୁ ପ୍ରବେଶ ଲାଗି ଉଦ୍ଦିଷ୍ଟ ସିଡିରେ ବାଇଡେନ ଏକାକି ଯାଉଥିଲେ। ସିଡିରେ ସେ ପଡିବା ପରେ ନିଜେ ଉଠି ପୁଣି ଉପରକୁ ଯାଇଲେ ଓ ହାତ ହଲାଇ ସାଥୀଙ୍କୁ ବିଦାୟ ଜଣାଇଥିଲେ। ଆମେରିକାର ୪୬ ତମ ରାଷ୍ଟ୍ରପତି ବାଇଡେନକୁ ଏବେ ୮୦ବର୍ଷ। ସେ ଆମେରିକାର ସବୁଠାରୁ ବୟସ୍କ ରାଷ୍ଟ୍ରପତି। ଦୁଇବର୍ଷ ପୂର୍ବେ ମଧ୍ୟ ବାଇଡେନ ବିମାନ ସିଡି ଚଢିବା ବେଳେ ଏପରି ପଡିଯାଇଥିଲେ।
Comments are closed.