ଫୁଲବାଣୀ : ଫୁଲବାଣୀ, ସରକାରୀ କନିଷ୍ଠ ମହାବିଦ୍ୟାଳୟ ଛାତ୍ରୀ ନିବାସର ବାର୍ଷିକ ଉତ୍ସବ ଅଧ୍ୟକ୍ଷା ଜ୍ୟୋତିର୍ମୟୀ କହଁରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବରେ ଟିକାବାଲି କଲେଜର ଅଧ୍ୟକ୍ଷ ଦୀନବନ୍ଧୁ ମହାନ୍ତି ତାଙ୍କ ବକ୍ତବ୍ୟରେ ଗୋଟିଏ ନାରୀ ସଂସ୍କୃତି ସମ୍ପର୍ଣ୍ଣ ହେଲେ ଗୋଟିଏ ପରିବାର ଓ ଜାତି ସଂସ୍କୃତି ସମ୍ପର୍ଣ୍ଣ ହୋଇପାରିବ ବୋଲି ମତାମତ ଦେଇଥିଲୋ ସମ୍ମାନିତ ଅତିଥି ଭାବରେ ପୂର୍ବତନ ଅଧ୍ୟକ୍ଷ କେଦାରଗୌର କହଁର, ଅଧ୍ୟାପିକା ମୋନାଲିଶା ଦାସ, ରୁପେଶ୍ବରୀ କୁମୁରା, ଅଧ୍ୟାପକ ଗିରିଶ ଚନ୍ଦ୍ର ପ୍ରଧାନ, ପୁଲକ ଚନ୍ଦ୍ର ଫିଲିସ, ବିମଲ ମିଶ୍ର ପ୍ରମୁଖ ଅତିଥିଭାବେ ଯୋଗଦେଇଥିଲେ। ଛାତ୍ରୀ ନିବାସ ପକ୍ଷରୁ ଅତିଥିମାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲ। ସନ୍ଧ୍ୟାରାଣୀ ଦାସ କାର୍ଯ୍ୟକ୍ରମରେ ସହଯୋଗ କରିଥିଲେ, ଅଧ୍ୟାପିକା ବିମଳା ରାଣୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ପରେ ରଙ୍ଗାରଙ୍ଗ ସଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା, ଛାତ୍ରୀ ସୁପ୍ରିୟା ଦିଗାଲ ଓ ରୁନିତା ଦିଗାଲ କାର୍ଯ୍ୟକ୍ରମ ପରିଚାଳନା କରିଥିଲେ।
