ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ଭାଲିଆଗଡ଼ ୧୬ ନମ୍ବର ଜାତୀୟ ରାଜପଥର ଏଚପି ପେଟ୍ରୋଲ ପମ୍ପ ସାମ୍ନା ରାସ୍ତା କଡ଼ରୁ ରବିବାର ସକାଳୁ ଗୋଳନ୍ଥରା ପୁଲିସ ଜଣେ ଅଜଣା ଯୁବକଙ୍କ ମୃତଦେହ ଉଦ୍ଧାର କରିଛି। ସକାଳ ୭ଟା ବେଳେ କିଛି ଲୋକ ରାଜପଥ କଡରେ ମୃତଦେହ ପଡ଼ିଥିବା ଦେଖି ପୁଲିସକୁ ସୂଚନା ଦେଇଥିଲେ। ଖବରପାଇ ଥାନା ଏସଆଇ ଗଗନ କୁମାର ବେହେରା ପୁଲିସ ଟିମ ସହ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଥିଲେ। ମୃତ ବ୍ୟକ୍ତିର କୌଣସି ପରିଚୟ ମିଳି ନ ଥିଲା। ମୃତକଙ୍କ ବୟସ ୪୦ବର୍ଷ ହେବ ବୋଲି ଅନୁମାନ କରାଯାଉଛି। ଶରୀରରେ ଜିନ୍ସ ପ୍ୟାଣ୍ଟ ଓ କଳା ରଙ୍ଗର ଟିଶାର୍ଟ ରହିଛି। ମୁହଁରେ ସାମାନ୍ୟ ଆଘାତ ଲାଗିଥିବା ଦେଖିବାକୁ ମିଳିଛି। ଏ ନେଇ କୋଠାରସିଂ ପଂଚାୟତ ସମିତି ସଭ୍ୟ ଆଶିଷ କୁମାର ରାଉଳ ଥାନାରେ ଏତଲା ଦେବା ପରେ ଏକ ଅପମୃତ୍ୟୁ ମାମଲା(୩୬/୨୪) ରୁଜୁ ହୋଇଛି।
Comments are closed.