ନୋଏଡ଼ା : ନୋଏଡ଼ା ସେକ୍ଟର ୯୪ରେ ରବିବାର ଅପରାହ୍ଣରେ ଏକ ନିର୍ମାଣଧୀନ କୋଠା ସେଟ୍ରିଂ ପଡ଼ି ୪ ଶ୍ରମିକଙ୍କ ମୃତ୍ୟୁ ଘଟିଛି। ଏଥିରେ ୧୨ରୁ ଅଧିକ ଶ୍ରମିକ ଆହତ ହୋଇଥିବା ସୂଚନା ମିଳିଛି। ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନା ଅନୁସାରେ ନୋଏଡ଼ା ସେକ୍ଟର ୯୪ର ବିପିଟିଭି କ୍ୟାପିଟାଲ ସିଟିରେ ୧୮ ମହଲା ବିଶିଷ୍ଟ ଏକ ଅଟ୍ଟାଳିକାର ନିର୍ମାଣ ଚାଲିଛି। ରବିବାର ନିର୍ମାଣ କାର୍ଯ୍ୟ ଚାଲିଥିବାବେଳେ ହଠାତ୍ ବିଲ୍ଡିଂର ସେଟ୍ରିଂ ଖସି ପଡ଼ିଥିଲା। ସେଟ୍ରିଂ ତଳେ ଚାପି ହୋଇ ସେଠାରେ କାର୍ଯ୍ୟ କରୁଥିବା ୪ ଶ୍ରମିକଙ୍କ ମୃତ୍ୟୁ ଘଟିଥିଲା ବେଳେ ୧୨ରୁ ଅଧିକ ଆହତ ହୋଇଛନ୍ତି। ସେଟ୍ରିଂ ଖସିପଡ଼ିବା ପରେ ସେଠାରେ ଆତଙ୍କ ଖେଳିଯାଇଥିଲା। ସ୍ଥାନୀୟ ଲୋକଙ୍କ ସହାୟତାରେ ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ୍ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।
Popular Categories
Previous article
Next article