ନାରାୟଣପୁର: ଛତିଶଗଡ଼ରେ ପୁଣି ନକ୍ସଲଙ୍କ ଦ୍ଵାରା ଆଇଇଡି ବିସ୍ଫୋରଣ କରାଯାଇଛି। ଶୁକ୍ରବାର ନାରାୟଣପୁର ଜିଲାରେ ଆଇଇଡି ବିସ୍ଫୋରଣରେ ବିଏସଏଫର ଦୁଇ ଜଣ ଯବାନ ଆହତ ହୋଇଛନ୍ତି। ସୂଚନା ଅନୁସାରେ, ଆଜି ସକାଳେ ବିଏସ୍ଏଫ୍ ଟିମ୍ ଗାରପା ଗାଁ ନିକଟ କ୍ୟାମ୍ପରୁ ପାଟ୍ରୋଲିଂ କରିବାକୁ ବାହାରିଥିବାବେଳେ ଏହି ବିସ୍ଫୋରଣ ଘଟିଛି। ଦୁଇ ଆହତ ଯବାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ, ଗୁରୁବାର ଛତିଶଗଡ଼ର ବିଜାପୁର ଜିଲାରେ ନକ୍ସଲଙ୍କ ଦ୍ଵାରା ଖଞ୍ଜା ଯାଇଥିବା ଆଇଇଡି ବିସ୍ଫୋରଣରେ ଦୁଇ ଜଣ ଯବାନ ଆହତ ହୋଇଥିଲେ। ଏହାପୂର୍ବରୁ ଜାନୁଆରୀ ୧୨ ତାରିଖରେ ଜାଙ୍ଗଲା ଥାନା ଅନ୍ତର୍ଗତ ଜୈଗୁର ନିକଟରେ ନକ୍ସଲଙ୍କ ଦ୍ଵାରା ଆଇଇଡି ଖଞ୍ଜା ଯାଇଥିଲା। ଏହି ଆଇଇଡି ବିସ୍ଫୋରଣରେ ଡିଆରଜିର ୨ ଜଣ ଯବାନ ଆହତ ହୋଇଥିଲେ।
