ନୂଆଦିଲ୍ଲୀ : ଟିଭିଏସ ମୋଟର କମ୍ପାନୀ ଭାରତରେ ନୂଆ ଜୁପିଟର ୧୨୫ ଡିଟି ଏସଏକ୍ସସି ଡୁଆଲ ଟୋନ୍ ଭାରିଆଣ୍ଟ ଲଞ୍ଚ୍ କରିଦେଇଛି । ଏହି ଭାରିଆଣ୍ଟ ଏହି ଲୋକପ୍ରିୟ ସ୍କୁଟରରେ ନୂଆ ଷ୍ଟାଇଲିଂ ଓ ଉତ୍ତମ କନେକ୍ଟିଭିଟି ନେଇଆସିଥାଏ । କମ୍ପାନୀ ଏହାକୁ ୮୮,୯୪୨ ଟଙ୍କାର ଏକ୍ସ-ଶୋରୁମ୍ ଦାମରେ ଲଞ୍ଚ୍ କରିଛି ।
ନୂଆ ସ୍କୁଟରରେ ଥ୍ରୀଡି ଏମ୍ବଲେମ୍, ଡୁଆଲ ଟୋନ୍ ଇନର ପ୍ୟାନେଲ ଓ ବଡି କଲର ରିୟର ଗ୍ରାବ୍ ରେଲ୍ ମଧ୍ୟ ଏହାର ଲୁକକୁ ଉତ୍ତମ କରୁଛି । ଏହା ବ୍ୟତୀତ ଟିଭିଏସ୍ ସ୍ମାର୍ଟକନେକ୍ଟ ବିଶିଷ୍ଟ ଏହି ସ୍କୁଟର କଲ୍, ମେସେଜ୍ ଆଲର୍ଟ, ଟର୍ଣ୍ଣ ବାଏ ଟର୍ଣ୍ଣ ନେଭିଗେସନ, ଭଏସ୍ କମାଣ୍ଡ ଓ ଭେଇକଲ ଟ୍ରାକିଂ ଭଳି ଅତ୍ୟାଧୁନିକ ଫିଚର୍ ମଧ୍ୟ ଅଫର କରିଥାଏ । ଯଦି ପାଓ୍ବରଟ୍ରେନ୍ କଥା କହିବା ତ ଜୁପିଟର ୧୨୫ରେ କୌଣସି ପରିବର୍ତ୍ତନ କରାଯାଇନି । ଏଥିରେ ୧୨୪.୮ ସିସିର ଏୟାର କୁଲ୍ଡ ଇଞ୍ଜିନ ଦିଆଯାଇଛି ଯାହା ୮.୭ ବିଏଚପିର ସର୍ବାଧିକ ପାଓ୍ବର ଓ ୧୧.୧ ଏନଏମର ପିକ୍ ଟର୍କ ଉତ୍ପନ କରିବାରେ ସକ୍ଷମ । ସ୍କୁଟରର ଇଞ୍ଜିନକୁ ସିଭିଟି ୟୁନିଟ୍ ସହିତ ଯୋଡାଯାଇଛି ।
