ମାଲକାନଗିରି: ମାଲକାନଗିରି ଜିଲ୍ଲା ମୋଟୁ ବନ ବିଭାଗକୁ ବଡ ସଫଳତା ମିଳିଛି। କୋଣ୍ଟା ବ୍ରିଜ୍ ରୁ କଇଁଛ ବୋଝେଇ ବୋଲେରୋ ଜବତ କରିବା ସହ ୩ ଜଣଙ୍କୁ ଗିରଫ କରିଛି। ମିଳିଥିବା ସୂଚନା ଅନୁଯାୟୀ ମାଲକାନଗିରି ବନ ଅଧିକାରୀ କୌଣସି ବିଶେଷ ସୂତ୍ରରୁ ଖବର ପାଇ କଇଁଛ ଚୋରା ଚାଲାଣ ହେଉଥିବା ଖବର ପାଇଥିଲେ। ପରେ ବନ ଅଧିକାରୀ ସାଇ କିରଣ ଡିଏନ୍ ଙ୍କ ନିର୍ଦେଶରେ ବନ ବିଭାଗର ଦୁଇଟି ଟିମ୍ ଛତିଶଗଡର କୋଣ୍ଟା ବ୍ରିଜ୍ ଓ ମୋଟୁ ବ୍ରିଜ୍ ରେ ପାଟ୍ରୋଲିଂ କରିଥିଲେ। ଏତିକି ବେଳେ ଏକ ବୋଲେରୋ ଦ୍ରୁତ ଗତିରେ ଯାଉଥିବାଦେଖି ଅଟକାଇଥିଲେ। ଏବଂ ଯାଂଚ କରିଥିଲେ। ବୋଲେରୋରୁ ପ୍ରାୟ ୧୦୭୮ଟି କଇଁଛ ଜବତ କରାଯିବା ସହ ଚୋରା ଚାଲାଣରେ ସମ୍ପୃକ୍ତ ଥିବା ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
