ୱାଶିଂଟନ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପର୍ତ୍ତୁଗାଲ ଫୁଟବଲ ଖେଳାଳି କ୍ରିଷ୍ଟିୟାନୋ ରୋନାଲ୍ଡୋଙ୍କୁ ତାତ୍ସଲ୍ୟ କରିବାପରେ, ରାଷ୍ଟପତି ଡୋନାଲ୍ଡ ଟ୍ରମ୍ପଙ୍କୁ ସବୁଦିଗରୁ ସମାଲୋଚନା ସହିବାକୁ ପଡିଛି। ଡୋନାଲ୍ଡ ଟ୍ରମ୍ପ କହିଥିଲେ, ରନାଲ୍ଡୋ ପର୍ତ୍ତୁଗାଲ ରାଷ୍ଟ୍ରପତି ମାର୍ସଲୋ ରିବିଲୋ ଡି ସୋଉସାଙ୍କ ବିରୁଦ୍ଧରେ ଲଢିବାକୁ ପ୍ରସ୍ତୁତ । ଏହାକୁ ନେଇ ପର୍ତ୍ତୁଗାଲ ରାଷ୍ଟ୍ରପତି ମାର୍ସଲୋ କହିଛନ୍ତି, ପର୍ତ୍ତୁଗାଲ ଆମେରିକା ପରି ନୁହେଁ। ଗଣମାଧ୍ୟମ ଏଜେନ୍ସି ଏକେ ଅନୁସାରେ, ମାର୍ସଲ ଆମରେିକା ଗସ୍ତ ମସୟରେ ବୁଧୁବାର ଦିନ ଟ୍ରମ୍ପ ଓ ମାର୍ସଲଙ୍କ ମଧ୍ୟରେ ବିଶ୍ୱ କପ ଆଲୋଚନା ଆରମ୍ଭ ହୋଇଥିଲା। ମାର୍ସଲ ଦୁଇ ଦେଶଙ୍କ ମଧ୍ୟରେ ରାଜନୈତିକ ସଂସ୍କୃତିର ପରିଭାଷା ବୁଝାଇଥିଲେ। ଏହି ଦ୍ୱିପାକ୍ଷିକ ଆଲୋଚନାରେ ମାର୍ସଲ କହିଥିଲେ, ଟ୍ରମ୍ପ ନିଜର ଆଗାମୀ ଆଲୋଚନାରେ ଋଷ ରାଷ୍ଟ୍ରପତି ଭ୍ଲାଦମିର ପୁଟିନଙ୍କ ସହ ବିଶ୍ୱ କପର ଆଲୋଚନା କରିବେ। ଏହା ବ୍ୟତୀତ ମାର୍ସଲ ଆହୁରି କହିଥିଲେ, କୌଣସି ଦେଶ ଭୂଲିବା ଆବଶ୍ୟକ ନୁହେଁ ଯେ, ତାଙ୍କ ପାଖରେ ବିଶ୍ୱର ସବୁଠାରୁ ଶ୍ରେଷ୍ଠ ଖେଳାଳି ରହିଛି, ଯାହାର ନାମ ରୋନାଲ୍ଡୋ। ଏହାର ବିପରୀତରେ ଟ୍ରମ୍ପ କହିଥଲେ, ପର୍ତ୍ତୁଗାଲ ଭଲ ପ୍ରଦର୍ଶନ କରୁଛି। ରୋନାଲ୍ଡୋର କ’ଣ ବିଶେଷ ରହିଛି ବୋଲି ସେ ମାର୍ସଲଙ୍କୁ ପ୍ରଶ୍ନ କରିଥିଲେ। ଏହାର ଉତ୍ତରରେ ମାର୍ସଲ କହିଥିଲେ, ରୋନାଲ୍ଡୋ ବିଶ୍ୱର ସବୁଠାରୁ ଶ୍ରେଷ୍ଠ ଖେଳାଳି। ଏହାପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପର୍ତ୍ତୁଗାଲ ରାଷ୍ଟ୍ରପତି ପଦ ଲଢିବାପାଇଁ ପ୍ରଶ୍ନ କରିଥିଲେ। ଏହାସହ ଟ୍ରମ୍ପ ମାର୍ସଲକୁ ଆଶ୍ୱସନା ବି ଦେଇଥିଲେ ଯେ, ରୋନାଲ୍ଡୋ ତାଙ୍କ ବିରୁଦ୍ଧରେ ନିର୍ବାଚନ କେବେ ବି ଜିତିବେ ନାହିଁ। ଏହାର ଉତ୍ତରେ ମାର୍ସଲ କହିଥିଲେ ପର୍ତ୍ତୁଗାଲ ଆମେରିକା ପରି ନୁହେଁ।
Popular Categories
Previous article
Next article