ସମ୍ବଲପୁର : ସମ୍ବଲପୁରର ଅଇଁଠାପାଲି ଥାନା ସମ୍ମୁଖରେ ଥିବା ଏକ ମୋଟରଯାନ ସ୍ପେୟାର ପାର୍ଟ୍ସ ଦୋକାନକୁ ଏକ ମାଲବାହୀ ଟ୍ରକ ପଶିଯାଇଛି । ଝାରସୁଗୁଡା ପଟରୁ ସମ୍ବଲପୁରକୁ ଆସୁଥିବା ଏକ ମାଲବାହୀ ଟ୍ରକ ଅଚାନକ ଭାରସାମ୍ୟ ହରାଇ ଥାନା ସମ୍ମୁଖରେ ଥିବା ଏକ ସ୍ପେୟାର ପାର୍ଟ୍ସ ଓ ଗ୍ୟାରେଜ ଦୋକାନ ମଧ୍ୟକୁ ପଶି ଯାଇଥିଲା। ଫଳରେ ଉଭୟ ଦୋକାନ ଗୁଡିକ ଭାଙ୍ଗିରୁଜି ଯାଇଥିବା ବେଳେ ସେଠାରେ ରଖାଯାଇଥିବା ୩ଟି ବାଇକ ଓ ପାଖରେ ଥିବା ଏକ ଘରର ପାଚେରୀ ମଧ୍ୟ ଭାଙ୍ଗି ଯାଇଛି । ସୌଭାଗ୍ୟବଶତଃ ଉକ୍ତ ଦୋକାନରେ କେହି ନ ଥିଲେ। ଏହି ଘଟଣାରେ ଟ୍ରକ ଚାଳକ ସାମାନ୍ୟ ଆହତ ହୋଇଥିବା ବେଳେ ପୁଲିସ ଟ୍ରକକୁ ଜବତ କରି ଚାଳକକୁ ଅଟକ ରଖିଛି।
Comments are closed.