ନୂଆଦିଲ୍ଲୀ : ସ୍ମାର୍ଟଫୋନ୍ ବ୍ୟବହାରକାରୀଙ୍କୁ ପ୍ରତିଦିନ ଅନେକ ଫୋନ୍ କଲ୍ ଓ ମେସେଜ୍ ଆସିଥାଏ । ଏହି କାରଣରୁ ଅନେକ ସମୟରେ ଅସୁବିଧା ମଧ୍ୟ ହୋଇଥାଏ । ତେବେ ଏହି ସମସ୍ୟା ଆଉ ଅଧିକ ଦିନ ନୁହେଁ । ଟେଲିକମ୍ ରେଗୁଲେଟରୀ ଅଥୋରିଟି ଅଫ୍ ଇଣ୍ଡିଆ(ଟ୍ରାଇ) ସମସ୍ତ ଟେଲିକମ୍ ସେକ୍ଟର୍ସ କମ୍ପାନୀଙ୍କୁ କଡା ନିର୍ଦ୍ଦେଶ ଜାରି କରିଛି । ଏହା ପରେ ଉପଭୋକ୍ତାଙ୍କୁ ଏଣିକି ଅଦରକାରୀ ଫୋନ୍ କଲ୍ ଓ ମେସେଜରୁ ମୁକ୍ତି ମିଳିଯିବ ।
ଆଣ୍ଡ୍ରଏଡରେ ଫୋନ୍ ନମ୍ବର ବ୍ଲକ୍ କରିବାର ମଧ୍ୟ ଏକ ବିକଳ୍ପ ରହିଛି । ଯଦି କେହି ବାରମ୍ବାର ଆପଣଙ୍କୁ ଫୋନ୍ କରୁଛି ତେବେ ଆପଣ ଏହି ସୁବିଧା ଆପଣାଇପାରିବେ । ତେବେ ଟ୍ରାଇ ମଧ୍ୟ ଏନେଇ ଉପଭୋକ୍ତାଙ୍କ ପକ୍ଷ ନେଇଛି । ଟ୍ରାଇ ସମସ୍ତ ଟେଲିକମ୍ ସେକ୍ଟର୍ସ କମ୍ପାନୀଙ୍କୁ କଡା ନିର୍ଦ୍ଦେଶ ଜାରି କରିଛି । ନିର୍ଦ୍ଦେଶ ଅନୁସାରେ କମ୍ପାନୀମାନେ ବାରମ୍ବାର କୌଣସି ଅଯଥା କଲ୍ କରି ଗ୍ରାହକଙ୍କୁ ହଇରାଣ କରିପାରିବେ ନାହିଁ । ଅତି ଜରୁରି ନଥିଲେ ଉପଭୋକ୍ତାଙ୍କୁ ଏଥିପାଇଁ ହଇରାଣ କରାଯିବନି କିମ୍ବା ବାରମ୍ବାର ଫୋନ୍ କିମ୍ବା ମେସେଜ୍ ମାଧ୍ୟମରେ କୌଣସି ସୁବିଧା ବା ସବସ୍କ୍ରିପ୍ସନ ନେବା ପାଇଁ କମ୍ପାନୀମାନେ କହିପାରିବେ ନାହିଁ । ଉପଭୋକ୍ତା ଯେଉଁ ସବସ୍କ୍ରିପ୍ସନ ଚାହିଁବେ ସେମାନେ ନିଜ ଆଡୁ ଚୟନ କରିପାରିବେ । ଅର୍ଥାତ୍ ଏଣିକି ଉପଭୋକ୍ତାଙ୍କ ପାଖକୁ କମ୍ପାନୀ ତରଫରୁ ଅଦରକାରୀ କଲ୍ କିମ୍ବା ମେସେଜ୍ ଆସିବନାହିଁ ।
Comments are closed.