ଲାଞ୍ଜିଗଡ : କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଲାଞ୍ଜିଗଡ ସହରରେ ସନ୍ଧ୍ୟା ସମୟରେ ଗାଈଗୋରୁଙ୍କ ଯୋଗୁଁ ମୁଖ୍ୟ ରାସ୍ତା ଏବଂ ବିଭିନ୍ନ ଛକ ଗୁଡିକରେ ଟ୍ରାଫିକ ସମସ୍ୟା ଦେଖାଯାଉଛି । ଲାଞ୍ଜିଗଡ ସହର ଏକ ଶିଳ୍ପାଞ୍ଚଳ ହୋଇଥିବାବେଳେ ଏଠାରେ ସନ୍ଧ୍ୟା ସମୟରେ ମୁଖ୍ୟ ବଜାରରେ ଭିଡ଼ ଦେଖିବାକୁ ମିଳିଥାଏ ଏବଂ ଗାଡି ମୋଟର ଓ ଭାରି ଯାନ ଚଳାଚଳ ହୋଇଥାଏ । କିନ୍ତୁ ସନ୍ଧ୍ୟା ସମୟରେ ମୁଖ୍ୟ ରାସ୍ତା ଏବଂ ବିଭିନ୍ନ ଛକ ଜାଗା ଗୁଡିକରେ ଗାଈଗୋରୁ ଏବଂ ଷଣ୍ଢ ପ୍ରବଳ ମାତ୍ରାରେ ଭିଡ଼ ଜମାଇଥାନ୍ତି ଏବଂ ରାସ୍ତା ଉପରେ ଲଢେଇ କରି ଗାଡି ମଟର ଭାଙ୍ଗିଥାନ୍ତି । ଗାଈ ଗୋରୁଙ୍କ ପାଇଁ ପଞ୍ଚାୟତ ପକ୍ଷରୁ ମଧ୍ୟ କୌଣସି ପଦକ୍ଷେପ ନିଆଯାଉନି । ଆମ୍ବୁଲାନ୍ସ କିମ୍ବା ଗାଡି ମଟରକୁ ଛାଡନ୍ତି ନାହିଁ ଗାଈଗୋରୁ । ଏହି ଗାଈଗୋରୁଙ୍କ ଯୋଗୁଁ ଟ୍ରାଫିକ ସମସ୍ୟା ଉପୁଜିଥିବାରୁ ଏଥିପ୍ରତି ପଞ୍ଚାୟତ ଓ ପୁଲିସ ପ୍ରଶାସନ ପକ୍ଷରୁ ପଦକ୍ଷେପ ନେବାପାଇଁ ଅଞ୍ଚଳବାସୀ ଦାବି କରିଛନ୍ତି ।
Comments are closed.