ସାଧାରଣତଃ ପ୍ରତ୍ୟେକଦିନ ଆମେ ସକାଳେ ଦାନ୍ତ ଘଷିବା ସମୟରେ ଆମେ ଜିଭ ସଫା କରିଥାଆନ୍ତି। ହେଲେ କିଏ ଭଲରେ ସଫା କରନ୍ତି ତ ଆଉ କିଏ ଜିଭ ସଫା କରିବା ଉପରେ ବିଶେଷ ଧ୍ୟାନ ଦେଇ ନଥାନ୍ତି। ତେବେ ଆପଣ ଜାଣି ରଖିବା ଉଚିତ୍ ଯେ, ଜିଭକୁ ଭଲ ଭାବେ ସଫା କରିବା ନିହାତି ଆବଶ୍ୟକ ହୋଇଥାଏ। ଯଦି ଜିଭ ଉପରେ ଯଥେଷ୍ଟ ଧ୍ୟାନ ନ ଦେବେ, ତେବେ ଅନେକ ରୋଗର ଶିକାର ହୋଇପାରନ୍ତି। ଏହା ଛଡ଼ା ମୁହଁରେ ଦୁର୍ଗନ୍ଧଜନିତ ସମସ୍ୟା ମଧ୍ୟ ଉପୁଜିପାରେ। ତେବେ ଜିଭକୁ ସଫା କରିବା ପାଇଁ କେତେକ ବିଶେଷ ଘରୋଇ ଉପାୟ ରହିଛି। ଯାହାକୁ ଅବଲମ୍ବନ କରିବା ଦ୍ବାରା ଆମ ଜିଭ ସଫା ହେବା ସହ ସମ୍ପୂର୍ଣ୍ଣ ଭାବେ ଜୀବାଣୁ ମୁକ୍ତ ହୋଇ ପାରିବ। ଚାଲନ୍ତୁ ଜାଣିବା ସେହି ଉପାୟ ବିଷୟରେ –
– ଜିଭରେ ଲୁଣ ପକାଇ ଦାନ୍ତ ଘଷା ବ୍ରଶ୍ ରେ ଭଲଭାବେ ଘଷନ୍ତୁ। ଏହି ପ୍ରକ୍ରିୟା ରାତିରେ ଶୋଇବା ପୂର୍ବରୁ କରିଲେ ଭଲ। ଏହା ବ୍ୟତୀତ ଶୋଇବା ଆଗରୁ ଗରମ ଲୁଣ ପାଣିରେ ପାଟିକୁ ସଫା କରିବା ଉଚିତ୍।
– ଜିଭରେ ମଇଳା ଲାଗି ଥିଲେ ଦହିର ଉପଯୋଗ କରନ୍ତୁ। ଦହିକୁ ପେଷ୍ଟ ଭଳି ଆଙ୍ଗୁଠିରେ ଲଗାନ୍ତୁ ଓ ତାକୁ ଜିଭ ଉପରେ ଘଷନ୍ତୁ। ତା’ପରେ ପାଟିରେ ପାଣି ରଖି କୁଳି କରନ୍ତୁ।
– ହଳଦୀ ଗୁଣ୍ଡରେ ଲେମ୍ବୁରସ ମିଶାଇ ଜିଭ ଉପରେ ମାଲିସ୍ କରନ୍ତୁ। ତା’ପରେ ଉଷୁମ ପାଣିରେ କୁଳି କରି ଦିଅନ୍ତୁ। ନଡ଼ିଆ ତେଲ ମଧ୍ୟ ଏଥିପାଇଁ ଖୁବ୍ ଉପଯୋଗୀ। ଜିଭରେ ନଡ଼ିଆ ତେଲ ଘଷିଲେ ଜିଭ ଉପରେ ଥିବା ମଇଳା ଦୂର ହୋଇଥାଏ।
