ନୂଆଦିଲ୍ଲୀ : ଭାରତରେ ଗମନାଗମନ ବଢିବା ସହ ତୀବ୍ର ଗତିରେ ରାଜପଥ ନିର୍ମାଣ ମଧ୍ୟ ହେଉଛି । ହାଇଓ୍ବେ-ଏକ୍ସପ୍ରେସରେ ଗାଡି ଲଗାତର ଯାତାୟତ କରୁଛନ୍ତି । ଏବେ ଏହି ରାସ୍ତାରେ ଗାଡିର ସ୍ପିଡ୍ ବଢାଇବା ପାଇଁ ସରକାର ଏକ ପଦକ୍ଷେପ ଉଠାଇଛନ୍ତି । ନୂଆ ନିୟମ ଅନୁସାରେ ଯଦି ଆପଣ ଜାତୀୟ ରାଜପଥ ବା ଏକ୍ସପ୍ରେସ ଓ୍ବେରେ ଗାଡି ଚଲାଉଛନ୍ତି ତେବେ ଆପଣଙ୍କୁ ୨୦ କିଲୋମିଟର ପର୍ଯ୍ୟନ୍ତ କୌଣସି ଟୋଲ୍ ଦେବାକୁ ପଡିବନି । ସଡକ ପରିବହନ ଏବଂ ରାଜମାର୍ଗ ମନ୍ତ୍ରଣାଳୟ ସେହି ଘରୋଇ ଗାଡିକୁ ଏହି ସୁବିଧା ଦେଉଛି ଯେଉଁଥିରେ ଗ୍ଲୋବାଲ ନେଭିଗେସନ ସାଟେଲାଇଟ୍ ସିଷ୍ଟମ(ଜିଏନଏସ୍ଏସ୍) ଲାଗିଛି ।
କହିରଖୁଛୁ ପୂର୍ବରୁ ରାଜମାର୍ଗ ଶୁଳ୍କ ନିୟମ ୨୦୦୮ରେ ସଂଶୋଧନ କରାଯାଇଛି । ସରକାର ଜିପିଏଶ୍ ଆଧାରିତ ଟୋଲ୍ ପ୍ରଣାଳୀକୁ ମଞ୍ଜୁରି ଦେଇଛନ୍ତି । ଏହି ନୂଆ ନିୟମ ଅନୁସାରେ ଗାଡିକୁ ଟୋଲ୍ ପ୍ଲାଜାରେ ଅଟକିବା ଆବଶ୍ୟକ ନାହିଁ । ନୂଆ ସାଟେଲାଇଟ୍ ଆଧାରିତ ସିଷ୍ଟମ ଜରିଆରେ ବିନା ଫାଷ୍ଟ୍ୟାଗରେ କେବଳ ଗାଡିର ନମ୍ବର ପ୍ଲେଟ୍ ସାହାଯ୍ୟରେ ଟୋଲ୍ କର କଟିଯିବ । ଏହି ନୂଆ ସୁବିଧାରେ ଗାଡିରୁ ଜିପିଏସ୍ ଜରିଆରେ ଟୋଲ୍ ଆଦାୟ ହେବ । ସରକାର ଜିଏନଏସଏସ୍ ବିଶିଷ୍ଟ ଘରୋଇ ଗାଡିକୁ ୨୦ କିଲୋମିଟର ପର୍ଯ୍ୟନ୍ତ ଟୋଲ୍ ଟ୍ୟାକ୍ସର ରିହାତି ଦେଉଛନ୍ତି ।
Comments are closed.